Beləliklə, Bakıda 29 Oktyabr tarixində saat 19:30-da Baku Marriot Boulevard Hotel-də baş tutacaq Odoo 18 təqdimat tədbiri ilə rəqəmsal transformasiya və biznes idarəçiliyi üçün ən son həllər təqdim olunacaq. Tədbirdə Odoo 18-in yeni funksionallıqları, inteqrasiya imkanları və müəssisələrə gətirdiyi faydalar geniş müzakirə ediləcək. Xüsusilə Azərbaycan üçün hazırlanmış Odoo lokalizasiyaları təqdim olunacaq, hansı ki, bunlar yerli vergi qanunvericiliyinə uyğun hesabatlar, kadr idarəçiliyi və maliyyə əməliyyatlarını asanlaşdıran funksiyaları əhatə edir. Tədbirdə iştirak isə tamamilə ödənişsizdir. İştirak etmək üçün sadəcə qeydiyyatdan keçməyiniz kifayət edir.
İştirakçılar, platformanın biznes proseslərinin optimallaşdırılmasında necə kömək etdiyini öyrənə və real vaxt nümunələri ilə tanış ola biləcəklər. Qeyd edək ki, tədbir müxtəlif sahələrdən peşəkarları bir araya gətirərək, şəbəkələşmə və fikir mübadiləsi üçün unikal fürsət təqdim edəcək. Ən son texnologiyalara əsaslanan Odoo 18-in imkanlarını nümayiş etdirəcək dinamik və tamaşaçı yönümlü təqdimatlarla dolu tədbir sizə iş proseslərinizin transformasiyası üçün yeni perspektivlər açmağa da imkan verəcək. Odoo modullarına aşağıdakılar aiddir:
- CRM (Müştəri əlaqələrinin idarə edilməsi): Müştəri münasibətlərinizi gücləndirməyə və potensial satışları artımağa imkan verir
- Satış: Satış proseslərini avtomatlaşdırmağa və sadələşdirməyə imkan verir
- MRP (Material Tələbat Planlaması): İstehsal əməliyyatlarınızı optimallaşdırır
- Anbar İdarəetməsi: Stok idarəçiliyində tam şəffaflıq əldə etməyə imkan verir
- e-Ticarət: Rəqəmsal satış kanallarınızı gücləndirir
- Mühasibatlıq : Maliyyə əməliyyatlarınızı dəqiqliklə idarə etməyinizə imkan verir
- HRM: insan resursları idarəetmə proseslərini mərkəzləşdirərək, şirkətlərin daha səmərəli və sistemli bir şəkildə işləməsinə kömək edir.
