Yaponiyanın AGC və telekommunikasiya şirkəti NTT Docomo tərəfindən hazırlanmış WAVEAntenna adlı yeni şüşə antenna ilə pəncərələr 5G baza stansiyalarına çevrilir. Beləliklə, şüşə antenna inqilabı ilə indi internet daha fərqli metodlar ilə ötürülə biləcək.
İnkişaf etməkdə olan 5G texnologiyası ilə dünyada milyonlarla istifadəçi daha sürətli və daha az gecikmə ilə internet xidmətinə daxil olur. Bununla belə, 5G şəbəkələrinin effektiv işləməsi üçün əvvəlki nəsillərlə müqayisədə daha çox baza stansiyası lazımdır. Yaponiyada hazırlanmış yeni texnologiya bu problemin estetik və praktik həllini təklif təklif edir. Təqdim olunan yeni texnologiya sayəsində pəncərələr artıq 5G baza stansiyalarına çevriləcək. Bununla isə şəhər mənzərəsi pozulmayacaq və bu pəncərələr birdən çox operatorun istifadəsinə açıla bilər.
Keçən ay Tokioda yerləşən JTower rabitə şirkəti qismən şüşə istehsalçısı AGC ə mobil operator NTT Docomo tərəfindən yaradılmış yeni şüşə antennanın inkişafını elan edib. Əslində bu inkişaf təkcə elanla məhdudlaşmırdı. Belə ki, bu texnologiya ilk dəfə Tokionun Shinjuku rayonundakı bir binada sınaqdan keçirilib. WAVEAntenna adlanan bu cihaz pəncərələrə quraşdırıla bilər və açıq ərazini 5G xidmət sahəsinə çevirir. Şəffaf strukturu sayəsində binanın fasadlarında vizual çirklənmə yaratmır.
5G şəbəkələri daha yüksək tezlik spektrlərindən istifadə etdiyi üçün onların əhatə dairəsi 4G-dən daha məhduddur. Bu o deməkdir ki, daha çox baza stansiyaları quraşdırılmalıdır. Lakin bu baza stansiyalarının şəhərdə geniş yayılması özü ilə estetik narahatlıqlar da gətirir. Şüşə antenna texnologiyası bu problemin həlli olaraq hazırlanmışdır. AGC-nin marketinq meneceri Shota Ochiai bildirib ki, “Bu antenna içəridən pəncərəyə quraşdırılaraq açıq məkanı xidmət sahəsinə çevirir. Beləliklə, 5G əhatə dairəsi binanın fasadının görünüşünü pozmadan təmin edilə bilər”.
