Yeni süni intellekt xüsusiyyətləri ilə bazarda bütün diqqətləri Galaxy S24 seriyasının üzərinə cəlb edən Samsung, indi yeni Galaxy S25 seriyasını təqdim etməyə hazırlaşır. Qeyd edək ki, texnologiya nəhəngi həmçinin yeni Galaxy Z Fold 6 və Z Flip 6 modellərini iyulun 10-da Parisdə keçiriləcək təqdimatda qarşımıza çıxaracaq. Sənaye analitiki Ming-Chi Kuo bir çox bölgələrdə istifadəçiləri sevindirəcək xəbəri paylaşıb. Belə ki, onun sözlərinə görə Samsung Galaxy S25 seriyası Exynos ilə deyil Snapdragon 8 Gen 4 çipləri ilə təchiz ediləcək.
Ümumiyyətlə, Samsung illərlə dünyanın bir çox yerində öz Exynos çip sistemləri ilə flaqman Galaxy S seriyalı smartfonlarını tədarük edir. Bu ilki Galaxy S seriyalı cihazların təxminən 60 faizi Exynos 2400 SoC ilə təchiz edilib. Bununla belə, Kuo iddia edir ki, heç bir Galaxy S25 modelində Exynos 2500 çipləri olmayacaq və Snapdragon 8 Gen 4 çipsetləri ilə təchiz ediləcək. Beləliklə, Qualcomm Snapdragon 8 Gen 4-ün qiyməti 25-30% artacağından Qualcomm-un Samsung-dan sifarişlərdəki bu artımdan əhəmiyyətli dərəcədə faydalanacağı gözlənilir. TSMC, N3E proses texnologiyasından istifadə edilməklə istehsal olunacaq Qualcomm Snapdragon 8 Gen 4-ün eksklüziv təchizatçısı olduğundan, TSMC-nin də Qualcomm-un artan sifarişlərindən faydalanacağı gözlənilir.
Daha əvvəl, Galaxy S25 seriyasının sələfindən tamamilə fərqlənəcəyi ilə bağlı xəbər paylaşmışdıq. Hətta Samsung smartfonun yeni dizaynının Mercedes-Benz şirkətindən ayrılan şəxsə tapşırıb. O cümlədən texnologiya nəhəngi smartfonun dizaynında bəzi yenilikçi dəyişikliklərin edilməsini də tələb edib. Revegnus mənbəsi xəbər vemişdi ki, “Mersedes-Benz-in keçmiş dizayneri və MX bölməsinin dizayn komandasının hazırkı rəhbəri Ilhwan Lee diqqətini Galaxy brendinin imicini yenidən kəşf etmək, ona yeni görünüş vermək vəzifəsinə yönəldib. Galaxy S25 seriyasından başlayaraq əhəmiyyətli dizayn dəyişiklikləri gözlənilir”.
