Dünyanın ən böyük oyun mağazası hesab olunan Steam platformasının sahibinə qarşı 656 milyon funt sterlinq dəyərində iddia qaldırılıb. İngiltərədə baş verən bu hadisədə Steam platformasında ümumilikdə 14 milyon oyunçunun aldadıldığı iddia edilir. Valve indi böyük məbləğdə cəza ilə üz-üzədir.
PC oyunları üçün ən böyük oyun platforması olan Steam hazırda Valve şirkətinə məxsusdur. Böyük Britaniyada baş verən məhkəmədə Valve şirkəti 656 milyon funt-sterlinq dəyərində iddia ilə üzləşib. Steam platformasının sahibi olan Valve, İngiltərədə 14 milyon insandan əlavə pul almaq üçün bazardakı hökmranlığından istifadə etməkdə ittiham olunur.
Məhkəmə iddiası qaldıran rəqəmsal hüquq müdafiəçisi Vicki Shotbolt, “Valve bazarı saxtalaşdırır və İngiltərə oyunçularından istifadə edir” deyə bildirib. Londondakı Rəqabət Apellyasiya Məhkəməsinə təqdim edilən iddiada Valve kompüter oyun bazarında rəqabətə mane olmaqda günahlandırılır. Bildirilir ki, Valve oyun yayımçılarını sözdə qiymət pariteti öhdəliklərinə əməl etməyə məcbur edir və oyunların rəqib platformalarda daha ucuz qiymətə satılmasının qarşısını alır. Shotbolt deyir ki, bu, Steam-ə 30 faizə qədər həddən artıq komissiyalar tələb etməyə imkan verir və bu, Böyük Britaniya istehlakçılarının PC oyunlarını əldə etməsinə maneə olur.
Ən azı altı ildir ki, Valve-ni İngiltərənin rəqabət qanununu pozmaqda ittiham edən Shotbolt, bu qeyri-qanuni davranışı dayandırmaq üçün əlindən gələni edəcəyi bildirir. Qeyd edək ki, Steam ötən il rekord satışlar əldə həyata keçirərək 9 milyard dollardan çox gəlir əldə edib. Satılan 580 milyon oyun və buraxılan 14.000 yeni oyun bu qazancda əsas məqam olub. Bununla belə, ən çox satılan 10 oyunun bütün satışların 61%-ni təşkil etdiyi bildirilir.
