Süni intellekt sürətləndiriciləri dedikdə ilk ağıla gələn Nvidia şirkəti bu ilə rekordlarla başladı. Rekord gəlirlərdən sonra şirkət rekord bazar dəyərinə çatıb Belə ki, süni intellekt tərəfində sürətləndiriciləri sayəsində Nvidia şirkəti 3 trilyon dollar bazar dəyəri ilə rekord qırmağa hazırlaşır.
Birdən-birə yüksələn məhsuldar süni intellekt tendensiyası Nvidia-nı sözün əsl mənasında uçurdu. Çip sənayesində ən çox satış həyata keçirən şirkət halına gələn Nvidia, bazar dəyərini durmadan artırır. Qeyd edək ki, ötən həftə şirkət maliyyə hesabatlarını açıqladığı zaman səhmləri təxminən 1000 dollar olan Nvidia-nın bazar dəyəri 2,3 trilyon dollar səviyyəsində idi. Elon Musk-ın təşəbbüsü xAI-nin dəyərini artıracağı və Blackwell çiplərinin rekord satışlar edəcəyi gözləntiləri səhmlərin yüksəlməsinə səbəb oldu.
İndi isə Nvidia səhmləri yüzdə 13 artaraq 1130 dollar səviyyəsinə yüksələrkən, şirkətin ümumi bazar dəyəri 2,7 trilyon dolları keçib. ChatGPT küləyinin ilk əsməyə başladığı 2022-ci ilin payız dövründə Nvidia səhmlərini alan bir şəxsin investisiyası hazırda 10 dəfə dəyərlənib. Nvidia şirkəti indi çip dünyasında 3 trilyon dolları keçən ilk şirkət olmağa çox yaxındır. Müqayisə üçün qeyd edək ki, AMD-nin bazar dəyəri 270 milyard dollar, Intel-in bazar dəyəri isə 130 milyard dollardır. Məhz bu müqayisə bizə Nvidia şirkətinin hansı uğura imza atdığını daha aydın görməyə imkan verir.
