Cənubi Koreya mərkəzli Samsung brendinin maraqla gözlənilən ağıllı üzüyü Galaxy Ring nəhayət bu ilin ikinci yarısında istifadəçiləri ilə qovuşacaq. İndiyə qədər qiyməti barədə heç bir detal paylaşılmayan Samsung Galaxy Ring üzüyünün satışa çıxa biləcəyi mümkün qiymət məlum olub.
Xatırladaq ki, yanvar ayında keçirilən Unpacked tədbirində Samsung brendi Galaxy Ring modelini hər kəsə elan etmişdi. Bununla da Samsung bütün diqqətləri öz üzərinə cəlb etməyi bacarmışdı. Bu ilin əvvəlində Mobil Dünya Konqresində nümayiş etdirilən cihazın xüsusiyyətləri və qiyməti hələ də rəsmi olaraq bəlli deyil. Ancaq bu sirr pərdəsi tədricən aradan qalxmağa başlayıb. Beləliklə, Galaxy Ring üzüyünün qiyməti gözləniləndən daha bahalı ola bilər.
SamMobile mənbəsindən olan məlumata görə, Galaxy Ring təxminən 300-350 dollara başa gələcək. Müqayisə üçün qeyd edək ki, bu qiymət Galaxy Watch 6-nın 44 mm-lik LTE modelindən və bəlkə də qarşıdan gələn Galaxy Watch 7-dən də bahadır. Ancaq birbaşa rəqibi olaraq görülən 3-cü Nəsil Oura Ring-in qiyməti təxminən 300 dollardır. Həmçinin, Aoru Ring qabaqcıl xüsusiyyətlərin kilidini açmaq üçün abunəlik təklif edir. Galaxy Ring haqqında məlum olanlar hazırda sızmalarla məhdudlaşır. Ancaq indiyə qədər edilən açıqlamalara baxdığımızda bunun daha çox sağlamlıq monitorinqi cihazı kimi təklif olunacağını başa düşə bilərik. Bununla belə, cihaz barədə daha dəqiq və ətraflı məlumat gələcək aylarda bizə aydın olacaq.
