OpenAI şirkətinin hazırda ChatGPT 5 üzərində işlədiyi rəsmi olaraq bildirilməsə də, hər kəsə məlumdur. Belə ki, şirkət rəhbərlərinə görə bir il sonra yəni GPT-5 təqdim edildikdə mövcud ChatGPT gülməli dərəcədə pis görünəcək.
Ümumiyyətlə, ChatGPT OpenAI-nin GPT-3 süni intellekt dil modeli ilə populyarlığını artırmağa başlamışdı. Daha sonra təqdim edilən GPT-4 modeli ilə çatbotun imkanları əhəmiyyətli səviyyədə artmışdı. Hazırda isə şirkət GPT-5 dil modeli üzərində işləyir. Bu dil model GPT-4-ün davamı olacaq. Şirkətin baş menecerinin sözlərinə görə, ChatGPT-nin gələcək versiyaları ciddi təkmilləşdirmələr alacaq. OpenAI-nin GPT-5-i nə vaxt buraxmağı planlaşdırdığını bilinməsə də, şirkət rəhbərləri onun olduqca fərqli və cəlbedici xüsusiyyətlərlə mövcud ChatGPT versiyasını ötəcəyini bildirir.
OpenAI COO-su Brad Lightcap bildirib ki, “Düşünürəm ki, bir ildən sonra geriyə baxacağıq və ChatGPT-nin nə qədər gülünc dərəcədə pis olduğunu anlayacağıq”. Lightcap-ə görə, bu gün ChatGPT-nin növbə əsaslı, demək olar ki, oracle bənzər sistemi mahiyyət etibarı ilə uzunmüddətli yanaşma kimi görünmür. Bunun əvəzinə, o, bizim gələcəkdə daha mürəkkəb işlərin görülə biləcəyi bir dünyaya keçəcəyimizi düşünür. Yaxın gələcəklə bağlı bu vizyona görə, istifadəçilərlə daha sıx əlaqə qura bilən və həqiqətən komanda yoldaşı kimi xidmət edə bilən süni intellektə malik olacaq. Dəyişiklik o qədər böyük olacaq ki, AI modelləri ilə danışmaq dost və ya həmkarla danışmaq kimi cəlbedici və maraqlı olacaq.
