12 mart tarixində Samsung şirkəti Galaxy A35 və Galaxy A55 modellərini rəsmi olaraq qlobal bazar üçün təqdim etdi. Nəhayət bu cihazlar ötən gün ölkəmizdə bir çox yerdə satışa çıxarılmağa başlanıb. O cümlədən rəsmi mağazalar bu cihazları rəsmi olaraq təklif etməyə start götürürlər. Smartfonların rəsmi qlobal bazar təqdimatı zamanı texniki detallarını sizlərlə bölüşmüşdük. Elə məhz aşağıdakı xəbərə keçid etməklə cihazlarla bağlı ətraflı məlumat əldə edə bilərsiniz. Ona görə biz bu xəbərəmizdə texniki xüsusiyyətləri səthi olaraq xatırlayıb, cihazların daha çox qiymətlərinə nəzər yetirəcəyik. Əgər cihazlarla bağlı ətraflı məlumat və texniki xüsusiyyətlər sizin üçün maraqlıdırsa aşağıdakı xəbərimizə keçid edə bilərsiniz. Elə isə, gəlin Samsung brendinin yeni Galaxy A55 və Galaxy A35 modellərinin Azərbaycan qiyməti ilə tanış olacağımız, xəbərə davam edək.
Baku Electronics tərəfindən açıqlanmış məlumata görə Galaxy A35 və Galaxy A55 modellərinin ilkin bazara çıxarılış qiymətləri bəllidir. Belə ki, Galaxy A35 modelinin Azərbaycan qiyməti nağd şəkildə rəsmi mağazadan almaq istəyən istifadəçi üçün 899, 99 AZN təşkil edir. Bu qiymət cihazın 8-256GB variantı üçün keçərlidir. Galaxy A55 modelinə gəldikdə isə qiymətlərin biraz yüksəldiyini görürük. 8-128GB yaddaş variantında Galaxy A55 modelinin başlanğıc səviyyəsi üçün Azərbaycan qiyməti nağd alışda 999, 99 AZN olaraq nəzərdə tutulub. Əgər siz bu cihazın 8-256GB yaddaş variantını əldə edəcəksinizsə 1099, 99 AZN ödəyəcəksiniz. Onu da qeyd edək ki, Baku Electronics mağazasında hazırda Galaxy A35 modelinin Light Blue, Dark Blue və Galaxy A55 modelinin Light Blue, Yellow, Light Violet, Dark Blue rəngləri satışdadır. Aprel ayının 1-dən etibarən isə yeni smartfonların bütün rəng seçimləri müştərilər üçün əlçatan olacaq.
İrşad Electronics tərəfindən açıqlanmış məlumatlara görə də yeni Galaxy A35 və Galaxy A55 modellərinin ilkin bazara çıxarılmış qiymətləri artıq bəllidir. İlk növbədə Galaxy A35 modelinin Azərbaycan bazarı üçün nəğd şəkildə qiyməti eynilə digər şəbəkə mağazasında olduğu kimi 899, 99 AZN təşkil edir. Qeyd edək ki, bu qiymət 8-256GB variantı üçün keçərlidir. Galaxy A55 modelinə gəldikdə isə istifadəçilər nəğd şəkildə 999, 99AZN ödəməli olacaqlar. Habelə, bu qiymət yalnız 8-128GB variantı üçün nəzərdə tutulub. Əgər siz bu cihazın 8-256GB variantını əldə etmək istəsəniz 1099. 99 AZN ödəməli olacaqsınız. Qeyd edək ki, burada Galaxy A35 modeli Light Blue, Light Violet, Dark Black rəng seçimlərinə sahib olub. Galaxy A55 modeli üçün isə bütün rəng seçimləri, yəni Light Violet, Light Blue, Dark Black və Yellow əlçatandır.
Təbii ki, qiymətlər bu xəbərimizi dərc etdikdən sonrakı günlərdə azalan templə dəyişə bilər. Eyni zamanda digər rəsmi mağazalar nisbətən daha qiymətə cihazları təklif etməklə rəqəmləri bəlkə də cüzi dəyişə bilərlər. Lakin qiymətlər baxımından Galaxy A35 və Galaxy A55 modellərinin qiyməti Azərbaycan bazarı üçün bu səviyyədədir. Galaxy A35 modeli uyğun olaraq Exynos 1380 çipsetinə, 6.6 düymlük Super AMOLED ekrana və 50MP+8MP+5MP kamera konfiqurasiyasına sahibdir. Galaxy A55 modeli isə öz gücünü Exynos 1480 çipsetindən alıb və 50MP+12MP+5MP kamera konfiqurasiyası ilə fərqlənir.
