Ötən günlərdə qlobal bazarda təqdim edilən və satışa çıxarılan Nothing Phone 2a modeli rekord qıraraq ilk 60 dəqiqə ərzində 60 mindən ədəddən çox satılıb. Ümumiyyətlə, Nothing brendinin yeni təqdim etdiyi Phone 2a modeli təklif etdiyi xüsusiyyətlər və qiymət ilə texnologiya həvəskarlarının diqqətini cəlb etməyi bacarıb. Habelə cihazın rəqabətədavamlı qiyməti və innovativ xüsusiyyətləri təqdim edildiyi gün bir neçə rekord qırmasına da imkan verdi. Qısa müddət ərzində satış həddi 100 mini ötüb.
Nothing Phone 2a ilk 60 dəqiqə ərzində 60 min satış həddini ötərək rekord qırdıqdan dərhal sonra Nothing CEO-su Carl Pei elan etdi ki, satış həddi artıq 100 mini ötüb. Smartfonun təfərrüatlı tədarük rəqəmləri paylaşılmayıb. Lakin görünən odur ki, smartfon bir çox regionda maraqla qarşılanıb. Qeyd edək ki, Nothing öz cihazlarında özünəməxsus şəffaf dizayndan istifadə edir. Bu səbəbdən yeni daha büdcəyönümlü model də eyni dizayna sadiq qalıb. Nothing Phone 2a dizaynının ən əhəmiyyətli xüsusiyyəti, NFC bobininin içərisində yerləşən və Nothing-in “gözlər” kimi təsvir etdiyi ikili kamera sistemidir.
Telefonun arxa paneli kənarları 90 dərəcəlik bucaq altında bükərək cihazı zərbələrə daha davamlı edir. Nothing-in Glyph interfeysi adlandırdığı ikonik işıqlandırması da bu modeldə öz yerini alıb. 26 sərbəst moduldan ibarət olan LED işıqlar müxtəlif funksiyalar üçün istifadə edilə bilər. Ümumiyyətlə, yeni Nothing smartfonu öz gücünü Mediatek Dimensity 7200 Pro çipsetindən alır. TSMC-nin 4nm prosesi ilə istehsal edilən prosessor 2,8 Ghz sürətə çata bilən iki Cortex-A715 nüvəsinə sahibdir. Qeyd edək ki, smartfon 8-128GB və 12-256GB yaddaş seçimləri ilə istifadəçilərə təklif olunur. Bundan əlavə, 6,78 düymlük Full HD + təsvir ölçülü, 10 bit AMOLED panelə sahib olan smartfonun ekranı 30-120 Hz aralığında dəyişkən yeniləmə tezliyinə sahibdir. Eyni zamanda bu ekran paneli 1300 nit ekran parlaqlığına sahib olub.
Kamera tərəfində 50 MP ikili kamera sensorlarına sahib olan Nothing Phone 2a-nın ön tərəfində 32 MP selfi kamerası yer alır. Qeyd edək ki, 50 MP kameralardan biri OIS dəstəyi ilə f/1.9 əsas kamera, digəri isə f/2.2 ultra geniş bucaqlı kamera kimi xidmət edir. Smartfon 45 Vt sürətli şarj dəstəkli 5000 mAs batareya həcminə sahibdir. Hansı ki, bu şarj sürəti ilə smartfoni 23 dəqiqə ərzində 50% şarj etmək mümkündür. Android 14 əsaslı Nothing OS 2.5 ilə təchiz edilən smartfon Wi-Fi 6, Bluetooth 5.3, GPS + QLONASS kimi texnologiyalara da sahibdir. Qiymət tərəfində isə smartfonun 8-128GB və 12-256GB yaddaş versiyaları müvafiq olarq 329 avro və 379 avro qiymət etiketinə sahibdir. Bu gündən etibarən sifarişə açılan smartfonlar 12 martdan etibarən sahiblərinə təhvil veriləcək.
