ABB İnnovasiya Mərkəzində 4-cü inkubasiya proqramını uğurla başa vuran Bamper startapı artıq fəaliyyətə başlayır. Beləliklə Azərbaycanın avtomobil ehtiyat hissələri sahəsində ilk və ən böyük innovativ e-ticarət platforması qarşınızdadır. Bamper sürücülərin rahat və tez yoldan zəruri ehtiyat hissəsini tapıb, müxtəlif satıcılardan təkliflər alıb ən uyğun olanı seçməsi, satıcıların isə əlavə onlayn müştəri bazası qazanması üçün servis təklif edir. Ümumiyyətlə istifadəçilər niyə “Bamper”-i seçməlidir?
Qeyd edək ki, həm istifadəçilər, həm də satıcılar üçün faydalı olan platformada istifadəçilər asan yolla mağazaları gəzmədən, böyük çeşid sayı arasında seçim edərək ən uyğun ehtiyat hissəsini seçə bilərlər. Satıcılar isə artıq müştərilərini gözləməyərək, özləri müştəriyə limitsiz təklif göndərərək öz onlayn müştəri bazasını artırmaq və pulsuz mağaza yaratmaq imkanı əldə edirlər. Bamperin işləmə prinsipi isə çox sadədir. Belə ki, istifadəçilər ilk öncə platformada avtomobilini təyin etmək üçün VIN kodu və ya avtomobilin markası, modeli, buraxılış ili kimi standart məlumatları əl ilə daxil edir. Daha sonra isə istifadəçilər zəruri ehtiyat hissəsini seçərək sorğu yaradır. Yekun mərhələdə isə fərqli satıcılar arasından ən uyğun seçimi edən istifadəçilər artıq razılaşma edir.
Hazırda Bamper.az platformasında satıcı olaraq qeydiyyatdan keçənlər üçün pulsuz mağaza yaratmaq imkanı, limitsiz təkliflər göndərmək imkanı və çox sayda müştəri qazanmaq fürsəti mövcuddur. ABB innovasiya mərkəzi tərəfindən dəstəklənən yeni və innovativ startapdan istifadə etməyə tələsin.
