Dünyanın ən məşhur və ən çox istifadə olunan platformalarından biri olan YouTube-un həcmi müəyyən olub. Belə ki, Massachusetts Texnologiya universitetinin ictimai siyasət və kommuniyasi üzrə dosenti Ethan Zuckerman və həmkərlarına görə YouTube platforması 13 milyarddan çox videoya sahibdir. Ümumiyyətlə Reddit, X kimi bir çox platforma uzun müddət ərzində xüsusi API-lərdən istifadə edərək statistik məluamtların toplanmasına icazə verirdi. Tədqiqatçılar isə platformalar barədə məlumat toplamaqda və statistik məlumatlarını hazırlamaqda əziyyət çəkmirdilər.
Lakin bu il Reddit platformada dərc olunan yazıların işlənməsi üçün istifadə olunun vasitələri məhdudlaşdırdı. Bu isə tədqiqatlçıların işini biraz daha çətinləşdirdi və uzatdı. Məlumata görə hazırda gənc istifadəçilərin 93%-i Google şirkətinin video əsaslı xidmətlərindən istifadə edir. Habelə gənclər arasında hazırda TikTok və Snapchat kimi platformalar müvafiq olaraq 63% və 60% həddində istifadə olunur. YouTube platformasındakı videoların və görüntüləmə sayının müəyyən edilməsi prosesi isə biraz daha qarışıq olub.
Qeyd edək ki, YouTube platforması ilə bağlı məlumat toplamaq üçün tədqiqatçılar sənədsiz məlumat toplama API-ləri ilə işləmək üzrə geniş biliyə malik olan PushShift adlı Reddit təhlil layihəsinin yaradıcısı Jason Baumgartner-ə müraciət edib. Habelə tədqiqatçılar URL keçidləri vasitəsi ilə platformadakı videoların sayını təhlil etməyə başlayıblar. Nəticədə isə müəyyən olunub ki, YouTube platforması 13 milyarddan çox videoya sahibdir. Hətta dəqiq göstərici 13 235 821 970-dır. Tədqiqatçılara görə yalnız 2023-cü ildə platformada 4 milyarddan çox yeni video yayımlanıb. Habelə 10 mindən çox görüntülənməyə sahib olan videolar ümumi videoların 4%-nə bərabərdir.
