Çinin MingYang Smart Energy şirkəti bu yaxınlarda tayfuna davamlı dünyanın ən böyük külək türbini MySE 18-i təqdim edib. Çinin dəniz külək türbinləri üzrə əsas istehsalçısı MingYang Smart Energy yeni külək türbinini hətta tayfunlarda da işləyə bilmək qabiliyyəti ilə təmin edib. Belə ki, 18-20 MVt gücündə olan bu turbin həm də bu günə qədər dünyanın ən böyük turbinlərindən biridir. MySE 18.X-20MW adlı turbinin ölçüsü ilə insanı heyran edir.
Ümumiyyətlə bu yaxınlarda COP28 çərçivəsində dünya mədən yanaqcaqlarından uzaqlaşmağa razılaşmışdı. Habelə enerji istehsalı tərəfində ən yaxşı iş ortaya qoyanlardan biri də Çin hesab olunur. Hətta Çin hazırda enerji tələbinin təxminən yarısını yaşıl enerji istehsalı hesabına təmin edir. Bu isə digər dünya ölkələri ilə müqayisədə inanılmaz göstəricidir. İndi isə Çin dünyanın ən böyük tayfuna davamlı dəniz külək türbini olan MySE 18-i təqdim edib.
Çin külək türbinlərini və digər enerji alətlərini yalnız quruda deyil, dənizdə də istifadə edir. Habelə Çində təqdim edilən yeni tayfuna davamlı külək türbini də bundan xəbər verir. Çin mərkəzli MingYang Smart Energy şirkəti son illərdə əldə etdiyi irəliləyişlərlə diqqət çəkir. Qısa müddət ərzində şirkət hazırda quraşdırılmaqda olan 16 MVt-lıq turbində mərhələli addımlar atdı və həmçinin bu yaxınlarda təqdim edilmiş prototipi ilə 20 MVt-lıq tavan həddini aşdı. Xatırladaq ki, MingYang şirkəti gələcəkdə rotorunun diametri 310 metrdən çox, 22 MVt güc istehsal edən Eyfel qülləsi ölçüsündə tarixin ən böyük külək türbinini inşa edəcəyini də açıqlamışdı.
