Bəzən texnologiya nəhəngləri arasında qarşıdurmalar meydana gəlir. İndi isə Lenovo və Asus arasında meydana gələn qarşıdurma daha ciddi hal alır. Belə ki, Lenovo, Asus brendinin ZenBook modellərində patent hüququnu pozduğunu iddia edərək məhkəməyə müraciət edib. Ümumiyyətlə Lenovo və Asus arasındakı mübahisəyə hüquqi cəhətdən dəyər veriləcək. Lenovo brendi Münhen Regionla Məhkəməsinə şirkətin qanunsuzluqları ilə bağlı artıq müraciət edib.
Çinli texnologiya nəhəngi Lenovo, indi Asus brendinə məxsus ZenBook modellərinin ABŞ-da qqdağan olunmasını tələb edir. Səbəb isə Asus şirkətinin patentləşdirilmiş texnologiyalardan icazəsiz istifadə etməsi olaraq göstərilir. Qeyd edək ki, bu texnologiyalar arasında məlumat ötürmə ilə bağlı bir patent, Lan gücünün idarə edilməsi texnikası və iki barmaq ilə çarpaz sürüşdürmə funksiyası da yer alır. Hətta Lenovo noutbukların planşetə çevirlməsi üzrə də patentə sahibdir. Lenovo brendi iddia edir ki, tayvanlı texnologiya nəhəngi bir neçə patentdən icazəsiz olaraq istifadə edib.
Lenovo brendi itirdiyi mənfəətə görə dəymiş ziyanın Asus brendi tərəfindən ödənilməsini tələb edir. Daha aydın desək, Lenovo ZenBook noutbuklarından gələn gəlirlər sahib olmaq niyyətindədir. Hətta texnologiya nəhəngi bu noutbukların bazardan yığışdırılmasını da tələb edir. Lenovoya görə Asus Beynəlxalq Ticarət Komissiyasının təyin etdiyi (ITC) patentləri icazəsiz istifaəd etdiyi üçün məhsulları ABŞ-da məhdud şəkildə idxal olunmalıdır. Görünən odur ki, Lenovo ABŞ bazarından Asus brendini sıxışdırıb çıxarmaq istəyir. Asus hələ də Lenovo-nun iddiasına cavab verməyib, lakin Lenovo mübahisəni həll etmək üçün Asus ilə çarpaz lisenziya müqaviləsi üzrə danışıqlara hazır olduğunu bildirib. Asus isə bu iddiaları təkzib etdiyi üçün danışıqları rədd edir.
