Bildiyimiz kimi, Xiaomi şirkəti ötən günlərdə yeni flaqman seriyası Xiaomi 14 seriyasını Çində təqdim etmişdi. İndi isə şirkətim CEO-su bildirir ki, yeni cihaza olan maraq inanılmaz çoxdur. Hətta Xiaomi CEO-su Lei Jun yaxın günlərdə təqdim edilmiş Xiaomi 14 seriyasının artıq 1 milyon satış hədəfini keçdiyini bildirib. Bu isə o deməkdir ki, yeni smartfonlara olan tələb təklifdən qat-qat daha yüksəkdir. Təbii ki, bu vəziyyət şirkətin gəlirlərini yüksək səviyyədə artırsa da, bir çox problemlərin də meydana gəlməsinə səbəb olur. Belə ki, Xiaomi 14 seriyasının qlobal versiyası çindəki tədarük problemləri səbəbindən bir xeyli gecikə bilər.
Ümumiyyətlə yeni seriya təqdim edildikdən və bazara çıxdıqdan sadəcə 4 saat sonra minlərlə sifariş sayını ötmüşdü. Hətta bu göstərici şirkətin yeni satış rekordu olaraq da qeydə alınmışdı. Satış rəqəmləri dəqiq olaraq verilməsə də, tələbatın olduqca yüksək olduğunu təxmin etmək elə də çətin deyil. Çində Xiaomi 14 seriyası, yəni Xiaomi 14 və Xiaomi 14 Pro və 1 milyondan çox satdığı üçün qlobal bazara gec çıxa bilər. Şirkətin baş icraçı direktoru qlobal bazarda yeni flaqman cihaz almaq istəyən müştərilərə bildirib ki, biraz da gözləməli olacaqlar.
Analitiklər hesab edirlər ki, şirkət daxili bazardakı tədarük problemlərini həll etmək üçün əlindən gələni edir. Lakin yenə də Hindistan və Avropa bazarları üçün təqdim ediləcək flaqman seriyanın tarixi təxirə salıncaq. Qeyd edək ki, yeni flaqman seriya 2024-cü ilin birinci rübünün sonuna qədər qlobal bazar üçün təqdim edilməyə bilər. Əgər sizin üçün satış rekordları qıran bu cihazın qiyməti, xüsusiyyətləri maraqlıdırsa saytımızdakı xəbərə keçid edə bilərsiniz.
