ABŞ sanksiyaları bu dəfə Nvidia şirkətinə də böyük zərər vurub. Belə ki, ən böyük sifarişlərini çinli texnologiya nəhənglərindən alan Nvidia şirkəti embarqoların əhatə dairəsi genişləndikdə 5 milyard dollarlıq çip satışını ləğv etməə məcbur olub. Onu da qeyd edək ki, bu dəfə ABŞ yalnız öz brendinə mənfi təsir edib. Çünki, Samsung və Sk-Hynix öz ölkələrinin təzyiqi ilə çinə qeyri-məhdud ticarət icazəsi əldə edib. Ümumiyyətlə Nvidia süni intellekt texnologiyalarının inkişaf etməsi ilə inanılmaz dərəcədə çox gəlir əldə etmişdi. Belə ki, bu gəlirlərin əsas hissəsi də demək olar, çinli texnologiya nəhənglərinin payına düşürdü.
İndi isə ABŞ sanksiyaları genişlədikdə Nvidia Çinə olan 5 milyard dollarlıq çip satışını məcburi olaraq dayandırıb. Görünən odur ki, ABŞ çinli texnologiya nəhənglərinin nvidia çipsetlərindən istifadə edərək təkmilləşməsinə göz yuma bilmir. Qeyd edək ki, 5 milyard dollarlıq sifarişin əsasını məhz H800 və A800 sürətləndiriciləri əhatə edib. ABŞ embarqosuna bu çipsetləri də əlavə etdikdən sonra Nvidia sifarişi ləğv edərək yeni müştəri axtarmaq məcburiyyətində qalıb. Maraqlısı budur ki, bu qədər böyük məbləğdə sifarişi Çinə alternativ olaraq hansı texnologiya nəhəngi alacaq.
Bu ilin avqust ayından bəri, yəni embarqoların şiddətlənməsindən bu yana Nvidia şirktətinin səhmləri ən aşağı səviyyəyə qədər azalıb. Əgər bu vəziyyət belə davam edərsə, çip texnologiyaları tərəfindəki liderlik də Nvidia şirkətinin əlində qalmayacaq. Çünki Samsung Çinə dayanmadan çipset tədarük edir. Məhz bu cənubi koreyalı texnologiya nəhənginin yüksək məbləğlərdə gəlir əldə etməsinə imkan verir.
