Apple şirkətinin yeni flaqman seriyasının təqdimatından bəri bir çox problemlər ortaya çıxıb. Belə ki, indi istifadəçilər iPhone 15 modellərinin dinamikləri ilə bağlı şikayətlənir. Bir çox istifadəçiyə görə yeni smartfonların dinamiklərindən cızırtı səsi gəlir. Xatırladaq ki, ötən günlərdə iPhone 15 Pro modellərində də problem ortaya çıxmışdı. Aparılan araşdırmalarda məlum olmuşdu ki, smartfon həddindən artıq isinir. Hətta Apple belə bu iddiaları təsdiqləmişdi. Bu dəfəki problem isə cihazın əməliyyat sistemindən qaynaqlanmır, birbaşa olaraq texniki detaldan qaynaqlanır. Smartfonların dinamikləri cızıldayır.
Əslində iPhone 15 seriyası təqdim edilərkən, onun keçən ilki flaqman smartfonlardan daha sürətli və güclü olacağı bildirilmişdi. Lakin təcrübə göstərir ki, yeni smartfonlar daha problemlidir. Hər 10 istifadəçidən 5-i smartfondan yeni problem aşkarlayır. İndi isə iPhone 15 smartfonlarının dinamikləri ilə bağlı problem ortaya çıxıb. İstifadəçilərə görə smartfonun səsini artırdıqda yəni maksimum etdikdə səs pozulur və cızıldayır. Bu əsasən dinamilərin patlaması ilə qaynaqlanır. Lakin yeni alınmış smartfonda bu problemin başverməsi heç də normal hesab edilmir.
Qeyd edək ki, problem yalnız iPhone 15 deyil, iPhone 15 Pro max modellərində də aşkar edilib. İstifadəçilər dinamikdən səslərin cızırtılı halda gəldiyini bildirir. Bu problem həm zəng danışıqları zamanı, həm də musiqiyə qulaq asarkən meydana gəlir. Başqa bir istifadəçi deyir ki, səs müəyyən tezlik diapazonlarında titrəyir. Maraqlısı budur ki, Apple tərəfindən də problemin həlli tapılmır. Belə ki. istifadəçilər smartfinu dinamikini apple servisdə dəyişdikdən sonra da, problem davam edib. Hələlik isə şirkət rəsmi açıqlama verməyib.
