Süni intellekt texnologiyalarının əsas istehsalçısı olan OpenAI indi yeni smartfonu ilə dünya mediasının gündəmindədir. Belə ki, Apple şirkətinin keçmiş iPhone dizayneri Jony Ive də işin içindədir. Məhz bu səbəbdən də analitiklər süni intellekt dünyasının yeni iPhone-u hazırlandığını düşünürlər. Qeyd edək ki, Apple dizayneri Johny Ive, OpenAI direktoru Sam Altman və ən böyük Yapon holdinqlərindən olan SoftBank 1 milyard dollarlıq sərmaye ilə yeni inqilabi cihaz yaratmaq üçün bir araya gəliblər.
1 milyard dollar yeni smartfon hazırlamaq və kütləvi istehsal etmək üçün olduqca ciddi məbləğdir. O cümlədən işin içində OpenAI və iPhone dizayneri Johny Ive varsa süni intellekt dünyasının yeni smartfonu artıq qapıdadır deyə bilərik. Onu da qeyd edək ki, görüşün olduqca ciddi olduğu və konsept dizaynların belə hazırlanmağa başladığı deyilən layihənin yaxın aylarda rəsmi olaraq ictimaiyyətə açıqlanacağı deyilir. Habelə müasir çağın “iPhone”-u prinsipi ilə öngörülən model, böyük bir ehtimalla smartfonlara çox bənzəyən, lakin tamamilə sıfırdan süni intellekt əsasında qurulmuş cihaz olacaq.
Əslində süni intellekt dünyasında belə bir smartfonun olacağı əvvəldən məlum idi. Lakin bu smartfonun sahədə heçbir təcrübəsi olmayan OpenAI tərəfindən hazırlanması gözlənilməz oldu. Maraqlısı budur ki, süni intellekt nəhəngi sadəcə keçmiş Apple dizayneri Jony Ive ilə smartfonu hazırlamağı düşünür. Daha əvvəl də biz texnologiya şirkətlərinin təcrübəsi olmadan fərqli sahəyə daxil olduğunun şahidi olmuşuq. İndi isə OpenAI eyni addımı ataraq öz sahəsində bir ilkə imza atıb.
