Ötən günlərdə təqdim edilən və bir neçə gün sonra rəsmi olaraq satışa çıxarılacaq iPhone 15 seriyası barədə şikayətlər davam edir. Belə ki, bir çox istifadəçi iddia edir ki, yeni Titanium iPhone 15 Pro modelinin ilk gündən rəngi solur və barmaq izi saxlayır. Qeyd edək ki, bəzi mətbuat nümayəndələri yeni flaqman smartfonun təqdimat mərasimində onları yaxından incələmək imkanı əldə ediblər. İlkin olaraq isə bir çox insan yeni modellərdən şikayətçi olub.
Apple bu il bir ilk edərək iPhone 15 Pro və Pro Max modellərini bir-birindən kamera tərəfindən fərqləndirmiş və Titianium korpus seçimi əlavə etmişdi. Məhz bu kamera fərqinin meydana gəlməsi iPhone 15 Pro modelini geri plana keçirib. Hətta ön sifarişlərdən də məlum olub ki, iPhone 15 Pro Max üçün olan tələbat həddindən artıq çoxdur. Lakin titanium korpuslu iPhone 15 Pro modellərinin rəngi solur iddiası cüzi də olsa satışlara təsir göstərib. Titanium çərçivələr ilk dəfə ələ alındıqdan sonra daha çox solmuş və ya aşınmış kimi görünməyə başlayır. Həmçinin bu iddianı təsdiqləyən fotoşəkillərdə platformalarda paylaşılıb.
Bu il iPhone 15 seriyası 5 rəngdə ağ, qara, mavi, yaşıl və çəhrayı rənglərdə təklif olunur. Bundan əlavə Apple bir ilkə imza ataraq Titanium çərçivəli iPhone modellərini də bu seriyaya əlavə edib. Görünən odur ki, bu elə də uğurlu alınmayıb. Sözdə möhkəm və etibarlı olan bu modellər rəng tərəfindən özünü doğrultmağı bacarmayıb. Xatırladaq ki, bu problem iPhone 5 və 5S modellərində də ortaya çıxmışdı. Buna səbəb isə korpusun metal olması idi. Metal korpuslar əsasən barmaq izinə qarşı həssas olduğu üçün çox tez sıradan çıxa bilir.
