Ötən günlərdə yeni smartfon seriyası olan iPhone 15 və yeni ağıllı saat seriyası Watch 9 təqdim edən Apple bu gün iOS 17 sistemini istifadəyə verib. Əslində Apple brendi iOS 17 əməliyyat sistemini ötən aylarda bizlərə təqdim etmişdi. Hətta yeni əməliyyat sisteminin hansı modellər üçün əlçatan olacağı da məlum olmuşdu. Bir neçə gün əvvəl keçirilən Wonderlust tədbirində isə yeni modellərini təqdim edən Apple təəccüblü şəkildə iOS 17 barədə heçbir şey deməmişdi. Lakin daha sonra yeni əməliyyat sisteminin 18 sentyabr tarixində WatchOS 10 ilə birlikdə bizlərə təqdim ediləcəyi ortaya çıxmışdı.
Nəhayət gözlənilən gün gəlib çatdı və Apple iOS 17 əməliyyat sistemini ötən axşamdan etibarən istifadəyə verib. Yeni funksiyalar və təkmilləşdirmələr əldə edən əməliyyat sistemi 3 aydan çoxdur Beta mərhələsində idi. Ümumiyyətlə sələfi ilə müqayisədə yeni əməliyyat sistemində süni intellekt əsaslı bir çox funksiya və xüsusiyyət bizlərə təklif olunacaq. Həmçinin istifadəçilərə özlərini ifadə etmək üçün yeni üsul təqdim edən fərdiləşdirilmiş ekranlar ilə daxil olan zənglərə tamamilə yeni görünüş verərək fərdiləşdirə, fotoşəkillər və ya memoji, həmçinin özəlləşdirilmiş yazılarla rənglər seçə bilərlər. Daxil olan zəngləri açmadan əvvəl onları görə bilmək üçün onları transkripsiya edə bilən əməliyyat sistemi FaceTime əsasında cavabsız vəziyyətlər üçün video mesajlar göndərməyə imkan verir.
AirDrop Apple cihazları arasında fayl paylaşmağın ən asan yoludur və iOS 17 NameDrop adlı yeni xüsusiyyət gətirir. NameDrop istifadəçilərə iPhone və iPhone, həmçinin Apple Watch arasında əlaqə məlumatlarını asanlıqla paylaşmağa imkan verəcək. Bura nömrə və qısa olaraq şəxsi vizitkanız daxildir. Bundan əlavə iOS 17 klaviaturaya təkmilləşdirmələr gətirir. Avtomatik cümlə tamamlama xüsusilə ingilis dilində istifadə edildikdə daha yaxşı işləyəcək. Təhlükəsiz evə qayıtdığınız zaman ailənizi və ya dostlarınızı xəbərdar etmək üçün məkanınızı yeniləyə biləcəyiniz “Check In” xüsusiyyəti isə ayrıca maraq doğurur. Şəkillərdəki obyektlərin “yapışdırılmasına” imkan verən əməliyyat sistemi AirDrop tərəfində də yenilənir. iOS 17-ə “Journal” adlı yeni tətbiqi əlavə edən Apple insanlara öz xatirələrini təkmil “gündəlik” formatında qeyd etməyə imkan verir. StandBy rejimi iOS 17-nin diqqətəlayiq yenilikləri arasındadır.
iOS 17 bütün iPhone-lar tərəfindən dəstəklənmir. Buna görə də, hansı iPhone-ların iOS 17-ni dəstəklədiyi sualı gündəmə gəlir. iOS 17-ni dəstəkləyən cihazların siyahısı belədir:
iPhone 15, iPhone 15 Plus, iPhone 15 Pro, iPhone 15 Pro Max
iPhone 14, iPhone 14 Plus, iPhone 14 Pro, iPhone 14 Pro Max
iPhone 13, iPhone 13 Mini, iPhone 13 Pro, iPhone 13 Pro Max
iPhone 12, iPhone 12 Mini, iPhone 12 Pro, iPhone 12 Pro Max
iPhone 11, iPhone 11 Pro, iPhone 11 Pro Max
iPhone XS, iPhone XS Max, iPhone
iPhone SE (ikinci nəsil və ya yeni modellər)
