Twitter platformasının Elon Musk tərəfindən alması barədə xəbərlər son vaxtlar gündəmi zəbt edərək tez-tez qarşımıza çıxır. Elon Musk şirkəti almaqla bağlı qərarının qəti olduğunu bildirsə də, sonradan ortaya çıxan problemlər onun fikrini dəyişib. Belə ki, o, müəyyən səbəblərdən şirkəti almaqdan imtina etdiyini bildirərək şirkətlə razılıq müqaviləsinin tarixinin uzadılmasını tələb etmişdi. Platforma isə dünən Elon Musk ilə olan müqavilənin gözləmə müddətinin bitdiyini ictimaiyyətə açıqlayıb. Görəsən, Musk 44 milyard dollarlıq müqaviləni ləğv edəcəkmi?
Bu, Elon Musk-ın platformanı almaq üçün son şansıdır!
Bildiyiniz kimi, Twitter spam və ya bot hesablarının sayının ümumi istifadəçilərin 5 faizindən az olduğunu açıqlayıb. Bununla belə, bu mövzuda daha ətraflı hesabatlar tələb edən Elon Musk, müvafiq məlumatlar təsdiqlənənə qədər platformanın satınalma prosesini dayandırdığını açıqladı.
Tesla və SpaceX şirkətlərinin CEO-su Twitter-də saxta və spam hesablar səbəbindən satınalmanı dayandırdıqdan sonra hələlik açıqlama verməyib. Lakin Elon Musk-ın müqavilə çərçivəsində qərar qəbul etmək müddəti başa çatıb. Qərar müddətinin başa çatmasından bir neçə gün keçməsinə baxmayaraq, Elon Musk-dan hələ ki bir cavab gəlməyib.
Twitter rəhbərliyinin Hart-Scott-Rodino (HRS) Antiinhisar Qanunu xəbərdarlığı göstərir ki, Elon Musk təcili olaraq hərəkətə keçməlidir. Əgər o, şirkəti almaq barədə qərarını bir müddət də uzatsa, 30 günlük gözləmə müddətini keçmiş olacaq və onun təklifi ləğv edilmiş hesab ediləcək.
Xatırladaq ki, Elon Musk çox böyük rəqəm hesab olunan 44 milyard dolları Twitter üçün təklif etmişdi. O, göndərdiyi satınalma faylında bu məbləğin 33,5 milyard dollarını kapitalın maliyyələşdirilməsindən və 13 milyard dolları isə Twitter üçün kredit verən investorlardan alacaq.
Bunlardan əlavə isə, Twitter Musk-a platformanın ən dəyərli və gizli məlumatlarına girişə icazə verəcək. Bununla da platforma “bot hesab” dedi-qodularına son qoymağı düşünür.
Həmçinin onu da bildirək ki, Twitter səhmləri gün ərzində 2% bahalaşıb. Cümə günü Twitter səhmlərinin 40,62 dollara satıldığı bildirilib. Bu da onu göstərir ki, əslində hər keçən dəqiqə Elon üçün heç də əlverişli olmayan şərtlər yaradacaq. Yəni əlini nə qədər tez tutsa, satın alma prosesi o qədər sərfəli başa gələcək. 🙂
Bəs, sizcə, bu şirkəti almağın Elon Musk üçün nə kimi mənfi və ya müsbət təsirləri olacaq? Fikirlərinizi şərhlərdə bizimlə bölüşün, müzakirə edək!
