Hibrid ağıllı saat böyük bir ehtimalla heç vaxt görməmisiniz. Lakin Withings şirkəti bunu rəsmi olaraq edən barmaqla sayılacaq şirkətlərdəndir. Belə ki, ScanWatch 2 və ScanWatch Light rəsmi olaraq IFA 2023 tədbiri timsalında təqdim edildi. Texnologiya dünyasının hər zaman gözə dəyməyən, lakin məhsulları ilə hər zaman səs çıxarmağı bilən şirkətlərdən biri olan Withings, IFA 2023-ü qaçırmayaraq, yeni ağıllı saatı ilə bir az fərqli geyinilə bilən məhsul istəyənləri hədəfləyir.
Withings ScanWatch 2 və Withings ScanWatch Light modelləri standart ağıllı saat funksiyalarını ənənəvi saatlarla birləşdirir. Cihazlar sağlamlıq monitorinqinə xüsusi diqqət yetirir. Brendi ən güclü modeli olan ScanWatch modelinin sələfi ScanWatch 2, yuvarlaq formalı dizaynı ilə diqqət çəkir. Sələfindən fərqli olaraq, ScanWatch 2 artıq EKQ ilə SpO2 (qanda oksigen miqdarı) ölçə, həmçinin bədən istiliyi və ətraf mühitin temperaturunu təyin edə bilir.
Ətraflı fəaliyyət və yuxu izləmə xüsusiyyətlərinə sahib olan model, tam 30 günlük batareya ömrü gətirir. ScanWatch Light isə daha çox büdcəyə uyğun seçimdir. Digər model ilə bənzər formada sağlamlığı və fəaliyyətini izləyə bilən, lakin temperatur sensorundan məhrum və EKQ (ürək döyüntüsü) ölçə bilməyən daha ucuz seçimdir. Batareyası 30 gündür. ScanWatch 2-dən fərqli olaraq bircə üstün tərəfi GorillaGlass istifadə etməsidir. Dayanıqlıdır, lakin ScanWatch 2 kimi sapfir olmadığından daha ucuzdur. Qiymətlərə nəzər salsaq, Withings ScanWatch 2 üçün xüsusilə 38 mm və 42 mm gövdələr üçün 350 dollar satış qiyməti açıqlanır. ScanWatch Light modelinin 37 mm variantı üçün isə 250 dollarlıq qiymət paylaşılır.
