Artıq kontakt linzalar belə ağıllı olur. Texnologiya sahəsində daha bir inqilabi yenilik ortaya çıxıb. Belə ki, sinqapurlu elm adamları gözyaşı ilə şarj olan ağıllı kontakt linzalar hazırlayıb. Qeyd edək ki, bu ağıllı linzalar insanın göz bəbəyində yaranan maye yəni gözyaşı ilə enerji toplayır. Bu isə linzaların fasiləsiz şarj olmasına imkan yaradır. Ümumiyyətlər linzalar tibb sahəsindəki inqilabi yeniliklərdən biridir. Bu linzalar vasitəsi ilə insanlar eynəklərə ehtiyac duymur.
Hələlik ağıllı kontakt linzalar bir çox insan tərəfindən tövsiyə edilmir. Lakin bu vəziyyət yaxın gələcəkdə və ya 20 il ərzində tamamilə dəyişəcək və hərkəs ağıllı kontakt linzaları üstün tutacaq. Hətta Sinqapurdakı Nanyang Texnologiya universitetinin alimləri tərəfindən hazırlanan gözyaşı ilə şarj olan linzalar bu prosesi sürətləndirə bilər. Elm adamları elektrik enerjisi yaratmaq üçün natrim və xlorid ionları ilə reaksiyaya daxil olan qlükoza örtüyündən istifadə edərək yeni batareya hazırlayıb. Məhz bu texnologiya ağıllı kontakt linzaların fasiləsiz olaraq gözyaşı ilə şarj olmasına imkan yaradır.
Bildiyimiz kimi, natrium və xlorid insanın gözyaşında mövcuddur. Yeni batareya da bu maddələrin birləşməsindən 201 mikrovatt gücündə 45 mikroamper enerji istehsal etmək qabiliyyətinə malikdir. Lakin hələdə bu texnologiya ilə bağlı məhdudiyyətlər var. Belə ki, elm adamları apardıqları sınaq nəticəsində batareyanı yalnız 200 dəfəyə qədər doldurub boşalda biliblər. İndi elm adamları şarj dövrünün artırılması üçün yeni həll yolları axtarır.
