Bu gün dünyanın bir çox e-ticarət platforması ilə mübarizə aparan Trendyol qrupun prezidenti Çağlayan Çetin Bakıya gəlir. Belə ki, Tedroid Media-nın da media tərəfdaşı olduğu InMerge Innovation Summit üçün bir çox məşhur şəxs ölkəmizə gələcək. Onlardan biri də məhz Türkiyənin və regionun aparıcı e-ticarət platforması olan Trendyol qrupun prezidentidir. Ümumiyyətlə Trendyol platforması 2010-cu ildə Demet Bulut tərəfindən yaradılmışdır və hazırda şirkətin baş icraçı direktoru da özüdür. 2021-ci ildən sonra isə Trendyol Tech, Dolap və Trendyol Express şirkətlərinin birləşdiyi Trendyol qrupun prezidenti Ç.Çetin olmuşdur.
Hazırda Trendyol qrupun prezidenti olan Çağlayan Çetin kariyerası boyunca maliyyə sahəsində qlobalda böyük addımlar atmışdır. Həmçinin o, London mərkəzli Dome Group şirkətinin də qurucularından olub. İndi isə Trendyol qrupun investisiya, sərmayə və digər məsələlərinə nəzarət edir. Ölkəmizdə daxil olmaqla 190-dan çox ölkəyə Türk məhsullarını ixrac edən platforma regionda aparıcı mövqeyə malikdir. Həyatı boyunca çətinlikləri aşaraq, uğurlara imza atan Çağlayan Çetin, Bakıda keçiriləcək InMerge Innovation Summit tədbirində iştirak edərək, biznes sahəsinə maraq göstərənlər üçün ilham mənbəyi olacaq.
Qeyd edək ki, PAŞA Holdinqin təşkilatçılığı və Trendyol Qrupunun dəstəyi ilə keçirilən InMerge İnnovasiya Sammiti Bakıda korporativ innovasiyalar üzrə həvəsi olan innovatorları, aparıcı texnologiya şirkətlərini və liderləri, startapları, eləcə də investorları bir araya gətirmək məqsədi daşıyır. Sammit, öz sahələrində transformasiyanı təşviq etmək, innovasiya ekosisteminə inteqrasiya etmək və strateji şəbəkələr vasitəsilə özünü təkmilləşdirməyə kömək etmək istəyən hər kəs üçün açıqdır. 30 noyabr- 1 dekabr tarixləri arasında Bakı Konqres Mərkəzində keçiriləcək sammitdə iştirak etmək üçün bilet əldə etməyə tələsin. Yerinizi indidən tutun ki, daha görəcəyiniz çox sürpriz var və daha çox üçün izləmədə qalın!
