Apple şirkətinin iPhone 15 seriyasının təqdim olunmasına 1 aydan az vaxt qalır. Təqdimata qalan vaxt azaldıqca isə iPhone 15 seriyasına aid yeniliklər daha tez-tez qarşımıza çıxır. Çinlilərdən gələn məlumatlar bu dəfə özünü Geekbench verilənlər bazasından göstərib. Belə ki, Apple şirkətinin iPhone 15 seriyasına quraşdıracağı A17 Bionic çipseti ilə bağlı performans nəticələri yayımlanıb. Apple-ın yeni seriyasından ilk smartfon böyük bir ehtimalla iPhone 15 Pro olub, Geekbench üzərindən ilk dəfə qarşımıza çıxır. iPhone ID 16.1 ilə müəyyən edilmiş iPhone 15 Pro-nu sınaqdan keçirənlərin nəticəsinə görə, çipset 6 nüvəyə malikdir və maksimum tezlik tam olaraq 3.7 GHz-dir.
Cihaz tək nüvəli testdə 3269 xal, çox nüvəli testdə 7666 xal toplayıb. Nəticə indiki modeldən qat-qat üstündür. Hal-hazırda iPhone 14 Pro modellərində müvafiq olaraq A16 Bionic çipseti 2493 və 6173 xal toplayır. Nəticələr daha yaxından baxsaq görərik ki, Geekbench testində A17 Bionic-in nəticəsi təkli nüvələrin performansı baxımından A16 Bionic-dən 31% yüksəkdir. Çox nüvəli testdə fərq o qədər də böyük deyil, iPhone 15 seriyasında olan A17 Bionic A16-dan 24% üstündür, lakin yenə də yüksəliş çox yaxşıdır.
Uyğun olaraq Samsung Galaxy S23 Ultra modelində Geekbench testinə baxdıqda təqribi olaraq Snapdragon 8 Gen 2 for Galaxy çipseti bizə 1918 xallıq təkli nüvələrin, 5014 xallıq çoxlu nüvələrin performansın göstərir. Bununla müqayisədə A17 Bionic-in çıxdığı rəqəmlər həqiqətən yüksəkdir. Lakin əsl qarşılaşdırma üçün Snapdragon 8 Gen 3 çipsetini gözləməkdə fayda var. Çünki, istehsal prosesində 3nm TSMC-ə keçid edilib-edilmədiyi və bu kimi naməlum detallar nəticələr çox təsir göstərə bilər.
