Windows istifadəçiləri əgər yeniləmələri vaxtı vaxtında edirsə, kompüterlərini söndürmək istədikdə yeniləmələrlə bağlı bildirişi kiçik pəncərə daxilində böyük bir ehtimalla görüblər. Söhbət “yenilə və söndür” seçimi ilə bağlı heç kimin diqqət etmədiyi xətadan gedir. Belə ki, yeniləmə quraşdırıldıqdan sonra bağlanmaq əvəzinə, əməliyyat sistemi “yenilə və yenidən başlat” əmrini həyata keçirir. Xəta ictimailəşdikdən sonra problemin bütün əksər Windows 10 və Windows 11 kompüterlərdə baş verdiyi ortaya çıxıb.
Müxtəlif platformalarda, o cümlədən sosial media şəbəkələrində və rəy mərkəzində yazılan bu problemin bir neçə nəfərə xas olmadığı bəlli olub. Yeniləmədən sonra kompüteri yenidən başlatmaq əvəzinə sistemi bağlamağa üstünlük verən istifadəçilər narahatlıqlarını dilə gətiriblər.
Keçmiş Microsoft tərtibatçısına görə, mümkün səbəblərdən biri yükləmə vaxtını sürətləndirmək üçün nəzərdə tutulmuş “fastboot” xüsusiyyətidir. Sistem bir müddət yenilənməyibsə və ya əvvəlki yeniləmə tamamlanmayıbsa, quraşdırmanı tamamlamaq üçün Windows 10 və ya 11-in yenidən başlaması tələb oluna bilər. Bu kontekstdə “yenilə və bağla” variantının gözlənildiyi kimi işləmədiyi və “yenilə və söndür” komandasını keçdiyi müşahidə olunur. Lakin hələ də Microsoft-dan məsələ ilə bağlı rəsmi açıqlama və həll təklifi yoxdur.
