Facebook, Instagram və WhatsApp kimi nəhənglərin sahibi olan Meta şirkəti bütün platformalarına şəxsiyyətə və xarakterə sahib olacaq süni intellekt əsaslı çatbotlar əlavə edir. Belə ki, Financial Times mənbəsinin məlumatına görə şirkət artıq fəaliyyətə keçib. Maraqlısı budur ki, yeni çatbotlar tamamilə fərqli şəxsiyyətlərə sahib olacaq. Bu da onu bazarda olan bir çox süni intellekt çatbotlarından fərqləndirəcək. Ümumiyyətlə süni intellekt texnologiyaları artıq geniş yayılıb. Hətta bu çatbotların tətbiqləri də mövcuddur. Lakin Meta bütün bunlara baxmayaraq öz çatbotunu yaratmağa və platformalarına əlavə etməyə qərarlıdır.
Xatırladaq ki, bir müddət əvvəl Meta şirkəti Microsoft ilə birlikdə ortaq dil modeli hazırladığını açıqlamışdı. İndi isə Meta platformalarına süni intellekt əsaslı çatbotlar əlavə etmək istəyir. Hətta mənbənin məlumatına görə, şirkət gələn ay çox maraqlı xüsusiyyətlərə malik olan çatbotları istifadəyə verəcək. Hələlik süni intellekt çatbotlarının fərqli şəxsiyyətlərə sahib olacağı məlumdur. Məsələn çatbotlardan biri Abraham Lincoln kimi, digəri isə tamamilə fərqli stildə danışa biləcək. Bu şəxsiyyətlər çox güman ki, istifadəçilərin maraqlandığı sahə və sualdan asılı olaraq dəyişəcək.
Əslində Instagrama belə funksiyanın gəlməsi ilk dəfə iddia edilmir. Belə ki, ötən aylarda Alessandro Paluzzi adlı proqram tədqiqatçısı platformaya istifadəçilərin suallarına cavab verə bilən 30 fərqli şəxsiyyətə malik olan süni intellekt çatbotunun əlavə ediləcəyini sızdırmışdı. Həmçinin bu süni intellekt çatbotları mesajlaşmaq üçün də istifadə olunacaq. Görünən odur ki, Meta süni intellekt sahəsində liderliyi əldə etmək üçün tamamilə fərqli və maraqlı xüsusiyyətlərə sahib süni intellekt çatbotu hazırlayır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
