Müasir dövrdə ən çox investisiya əldə edən sahələrdən biri də məhz çip istehsalıdır. Belə ki, Avropa Birliyi belə çip istehsalına 43 milyard avroluq sərmayə ayıracağını rəsmi olaraq təsdiqləyib. Xatırladaq ki, daha əvvəl Avropa çip istehsalı ilə bağlı planlarını da açıqlamışdı. Yekun olaraq deyə bilərik ki, avropa çip istehsalı sahəsinin lideri olmaq üçün milyardlarla dollar ayıracaq. Bu vəsait regionda daha çox çip fabrikinin qurulmasına, onların inkişafına habelə yarımkeçirici istehsalının artırılması üçün sərf ediləcək. Ümumiyyətlə bu gün çip istehsalı bazarına əsasən şərq ölkələri liderlik edir. Lakin avropa bunu dəyişmək niyyətindədir.
Hətta Avropa Birliyi çip istehsalı bazarına ayırdığı 43 milyard avroluq sərmayə ilə 2030-cu ilə qədər qlobal bazarda payını ən azı 20%-ə çatdırmağı hədəfləyir. Qeyd edək ki, hazırda Avropa birliyinin çip bazarındakı payı sadəcə 10%-dir. Hətta bu məqsədlə avropa komissiyası Avropa Çipləri aktı və ya başqa sözlə European Chips Act qəbul etmişdi. Bu akta uyğun olaraqda birlik hazırda müəyyən addımları atmağa başlayıb. Əslində avropa çip bazarındakı mövqeyini gücləndirmək ilə xaricdən asılılığını da aradan qaldırmaq istəyir.
Çünki, hazırda texnologiya, avtomobil və süni intellekt kimi potensiallı sahələrdə ən yüksək tələbat məhz çiplərə olur. Bunu əvvəlcədən proqnozlaşdıran Avropa Birliyi bu sahələrdə daha çox inkişaf edə bilmək üçün həm öz çiplərini istehsal etmək, həm də xarici dövlətlərdən olan asılılığını aradan qaldırmaq istəyir. Ayrılan sərmayə 10 illik plan xətti üçün hələlik başlağıc hesab olunur. Belə ki, 10 il ərzində Avropa birliyi əlavə olaraq 90 milyard avro vəsait xərcləməyi planlayır.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
