Gta 6 oyununu sızdıraraq şöhrət qazanan və daha sonra şirkəti şantaj edən 18 yaşlı haker barədə məhkəmə qərar verməyəcək. Belə ki, Gta 6 oyununu sızdıran, Uber, Revolut və Nvidia kimi şirkətlərin məlumatlarını əldə edən haker psixi cəhətdən sağlam olmadığı üçün cəzalandırılmayacaq. London məhkəməsi 18 yaşlı gənci mühakimə etməyəcək, yalnız onun iddia olunan işləri edib-etmədiyi barədə qərar qəbul edəcək.
Maraqlısı budur ki, 18 yaşlı Arion Kurtaj Lapsus$ haker qrupunun əsas nümayəndələrindən biridir. Bu qrup isə öz növbəsində Uber, Revolut və Nvidia kimi nəhəng şirkətlərin təhlükəsizlik divarlarını aşaraq məxfi məlumatları əldə ediblər. Daha sonra isə hakerlər bu məlumatları şantaj məqsədi ilə istifadə etsələr də istədiklərinə nail olmayıblar. 2022-ci ilin sentyabrında Uber şirkəttinə 3 milyon dəyərində zərər vuran haker, həmin tarixdə fintech firması olan Revolut-un 5000 müştərisinə məxsus məlumatları ələ keçirib. Məhz bu hadisələrdən sonra isə o, Rockstar Games şirkətini daha doğrusu Gta 6 oyununu hədəf alıb.
Nəticədə isə Gta 6 oyununu sızdıran haker ifşa olub. Böyük şöhrət qazanmasına baxmayaraq o, məhkəməyə çıxarılıb. Lakin psixiatrlar tərəfindən müayinə olunan gəncin məhkəmədə mühakimə olunması mümkünsüz hesab olunub. Bu hadisəni belə izah edirlər ki, 18 yaşlı gənc məhkəmədə nəyə görə mühakimə olunduğunu bilməyib və vəkilinə nə istədiyini deyə bilməyib. Bununla da gəncin məhkəmədə mühakimə olunması mümkün olmayıb. Lakin hakim gəncə qarşı qaldırılan 12 iddianın baş verib-baş vermədiyi barədə qərar verəcək.
Новости не обязательно должны быть написаны на русском языке, чтобы их читали на русском или любом другом языке. Ради Бога, мы живем в 2023 году, какой браузер не поддерживает автоматический перевод? :)
