Sony şirkətinin smartfon modelləri ilə hamımız yaxşı tanışıq. Vaxtıykən Sony şirkəti samrtfon bazarının liderlərindən biri idi. İndi isə hər şey dəyişib. Bu gün biz sizə Sony Xperia 1 IV modeli haqqında danışacağıq. Yeni Xperia modeli unikal dizayna və yüksək qiymətə sahibdir.
Sony Xperia 1 IV modelində səhvlər üzərində işləyiblər?
Smartfona ilk baxanda öncəki model ilə heç fərqlənmədiyini düşünə bilərik. Yeni Xperia modeli Snapdragon 8 Gen 1 çipseti, daha böyük batareya və biraz təkmilləşdirilmiş kamera ilə təmin edilib. Qiyməti isə 1600 dollardan başlayır. Rəqiblərini nəzərə alsaq gülünc qiymətdir. Smartfonun özü bir çox ölkələrə hələ satışa çıxmayıb, bu səbəbdən bütün məlumatlar xarici mənbələrdən götürülüb.
Əgər qırılan bir şey yoxdursa, əl dəymə!
İlk öncə ondan başlayaq ki, Sony Xperia 1 IV modelində istifadəçilərin Xperia 1 III modelində bəyəndiyi hər şeyi saxlayıblar. 21:9 nisbətli 4K təsvir ölçülü ekran, 3.5mm audio girişi, yaddaş kartı üçün yer, yan hissədə barmaq izi skaneri, su və tozdan qorunma, korpusun simmetriyası, istifadəçi istiqamətə baxan stereo səs ucaldanlar, üçlü əsas kamera və arxa panelin minimalistik dizaynı və.s. Qısaca smartfon çin istehsalçılarının istifadə etdiyi heçnədən yararlanmayıblar. Cihaz öz səliqəli və ciddi görünüşünü qoruyub. Bu stil, sanki Yapon istehsalı olduğunu vurğulayır .
Baxmayaraq ki, cihaz kifayət qədər böyük və ağırdı, lakin əlinizdə çox rahat qalacaq. Smartfonda ən yaxşı ekranlardan biri istifadə edilib. Adaptiv 120Hz tezlikli AMOLED panel, 240Hz sensor tezliyi, tam HDR dəstəyi və >1000 nit parlaqlıq. Düzdü göstəricilər maksimal olmasa da kifayət qədər əladır.
Sony Xperia 1 IV modelində çatışmamazlıqlar qalıb?
Daha öncə çıxan Xperia 1 III modelini, əsasən ekran müddətinə görə pisləyirdilər. Xarici mənbələrə əsasən yeni Xperia 1 IV modelində bu çatışmamazlıq üzərində dəyişiklik olmayıb. Qızma probmləri olan Snapdragon 888+ çipseti əvəzinə yeni modeldə Snapdragon 8 Gen 1 quraşdırılıb. Bunlar ilə yanaşı 12 GB operativ yaddaş, 256/512 GB daxili yaddaş və 5500 mAh batareya quraşdırılıb. Batareya həcmi artsa da ekran müddətinin artmaması yəqin ki, Snapdragon 8 Gen 1 çipsetindən qaynaqlanıb.
Cihazın bençmark nəticələri və performans davamlılığı yaxşılaşdırılıb. Gündəlik istifadə və oyun oynama zamanı performans kifayət edir, lakin xırda xırda donmalar yox olmayıb. Smartfon ilə uzun müddətli və yüksək fps ilə 4K video çəkiliş etdikdə, öncəki modeldə olduğu kimi çox qızır. Nəticədə onu əldə saxlmaqda narahatçılıqlar yaranır və ekranın qızdığı haqqında bildiriş çıxır. Az olsa da ehtimal var ki, bu problemlərin bəziləri yaxın zamanda proqram təminatının yenilənməsi ilə aradan qaldırılsın.
Sony modellərində əsas şey kameradır!
Sony Xperia 1 IV flaqman modelində digər istehsalçılarda olduğu kimi, biraz təkmilləşdirilmiş köhnə sensorlar quraşdırılıb. Əsas kamera və genişbucaqlı modulların obyektivlərində dəyişiklik olmayıb. Amma telefoto byektivdə yeniliklər edilib. Xperia 1 III modelinin periskopik modul alsa da, fokus məsafəsi artırılıb və kəsintisiz yaxınlaşdırma əlavə olunub. Bununla istehsalçı işığın işlənməsi ilə bağlı yeni düzəlişlər edib ki, kadrların kinomatoqrafik effekti artırılıb.
Əgər sizin kamera ayarlanmasından yaxşı anlayışınız varsa, o zaman smartfonun çəkilişi də yaxşı olacaq. Avtomatik rejim ilə çəkilən şəkillər sadəcə olaraq normal alınacaq. Kamera istifadəçisi isə rəqəmsal dəstəkləmələri söndürə və əsl peşəkar kamerada olduğu kimi şəkillər çəkə bilər.
Yəni, əgər siz RAW formatının necə istifadə edilməsini bilirsinizsə və işıqlandırma ayarlanmasını bacarırsınızsa o zaman nəticələr möhtəşəm olacaq. Bacarmırsınızsa o zaman cavabı məlumdur.
Sony şirkəti öz smartfonlarında vieo çəkilişlərə çox böyük diqqət yetirir. Xperia 1 IV modelinin üç modulu da avtofokus, optik stabilizasiya və 4K/60 fps dəstəyi ilə təmin olunub. Bunlar ilə Sony şirkətinin öz smartfonları üçün hazırladığı peşəkar tədtiq vasitəsi yararlana bilərsiniz. Düzgün sazlama ilə çox yaxşı nəticələr əldə etmək olar (əgər smartfon əlinizdə isti lüləyə dönməsə).
Android və şirkətin proqram təminatı
Sony öz smartfonlarının proqram təminatında minimal dəyişiklik etmə ənənəsinə sadiq qalır.
Müsbət tərəfləri: Sony şirkətinin proqram təminatı ilişməsiz və problemsiz işləyir. Lakin xırda donmalar, optimizasiyanın ideal olmaması səbəbilə mövcuddur.
Mənfi tərəfləri: PS3 zamanından qalmış tətbiq ikonları. Amma onları dəyişdirə bilərsiniz.
Yekun
Sony Xperia 1 IV flaqmanı bazarda olan ən maraqlı və qeyri-adi modellərdən biridir. Azərbaycan bazarında satışa çıxması inandırıcı deyil və olsa belə çox fantastik qiymətə satılacaq.
Dünyada yaranmış yarımkeçirici böhranı Xperia 1 IV modelinədə təsir edib. Köhnə problemlərin bir hissəsi aradan qaldırılıb, amma donma və qızma hələ ki mövcüddur. Kamera bloku qeyd etdiymiz kimi kiçik dəyişikliklər alıb. Bir çox istifadəçinin sözlərinə əsasən, proqram təminatının üzərində çox iş görülməlidir. Əgər siz smartfon fotografiya həvəskarısınızsa, 3.5-mm audi giriş sizin üçün vacibdirsə və yaddaş kartı tez tez lazım olursa, o zaman bu model sizin üçün idealdır. Əks halda bu model sizə uyğun deyil.
