Son dövrlərdə bütün sahələrdə istifadə olumağa başlayan ChatGPT süni intellekt aləti internet şəbəkəsinə daxil ola biləcək. Belə ki, OpenAI şirkəti süni intellekt əsaslı çatbota yeni plaginlər ilə yanaşı internet dəstəyi də gətirib. Bununla isə istifadəçilər artıq istənilən sahədə süni intellektin köməyindən istifadə edə bilərlər. Xatırladaq ki, texnologiya nəhəngi sonuncu dəfə GPT-4 yenilənməsi ilə süni intellekt əsaslı çatbotu daha da təkmilləşdirmişdi. Ümumiyyətlə ChatGPT çatbotu, internətə çıxışı olmadığı üçün bəzən köhnə və yanlış məlumatları istifadəçilərə təqdim edirdi.
OpenAI şirkəti ChatGPT üçün təklif etdiyi yenilənmələri, plaqinləri və internet şəbəkəsinə çıxışı sadəcə premium abunəçiləri üçün əlçatan edir. Qeyd edək ki, ChatGPT Plus abunəsi olmaq üçün istifadəçilər 20$ ödəməlidir. Bununla da premium istifadəçilər çatbotun beta xüsusiyyətlərindən istifadə edə biləcəklər. Hələlik internətə giriş və yeni plaqinlər beta versiyada olsa da OpenAI şirkəti yaxın zamanda bu xüsusiyyətləri tam versiyada təklif edəcək. Maraqlısı budur ki, beta versiyasında olan plaqinlərdən sadəcə 3-ü eyni zamanda aktivləşdirilə bilər.
ChatGPT çatbotu internet şəbəkəsinə daxil olduğundan artıq bir çox sahədə tətbiq oluna biləcək. Hal-hazırda bəzi məqamlarda süni intellekt əsaslı çatbotu yeni məlumatları əldə edə bilmirdi. Buna əsas səbəb isə internetə daxil ola bilməməsi idi. Şübhəsiz gələcəkdə OpenAI şirkəti süni intellekt əsaslı çatbotu daha da təkmilləşdirəcək. Ümumiyyətlə bir çox insan internet şəbəkəsinə daxil ola bildikdə sonra ChatGPT çatbotunun daha da təhlükəli hal-alacağını düşünür. Belə ki, artıq çatbot vasitəsi ilə bütün sənədləri, ideaları yaratmaq mümkün olacaq. Bu da gələcəkdə bəzi problemlərə yol aça bilər.
