Dave McClure və Christine Tsai tərəfindən qurulan 500 Global fondu artıq Qafqaza və Şərqi Avropaya da qanadlarını açır. Belə ki, 2010-cu ildən bəri dünyanın müxtəlif bölgələrində müxtəlif startupları maliyyələşdirən onlara dəstək verən şirkət Gürcüstana gəlib. Ümumiyyətlə Qərbi avropa, Latın Amerikası ölkələrində olan bir çox startap layihəsinə dəstək verən şirkət artıq digər bölgələrə də qanadlarını açmağa qərar verib. Qeyd edək ki, 500 Global fondu Udemy, iDreamBooks, Canva, myGengo kimi bir çox məşhur layihələrin yaranmasında əvəzsiz rola malikdir. Həmçinin fondun düynanın hər yerindən investiya tərəfdaşları və məsləhətçiləri də var. Onlara misal olaraq Türkiyədən Enis Hali, Vyetnamdan Binh Tran, Almaniyada Tilo Bonou və.s göstərə bilərik.
Şərqi Avropa və Qafqaz regionuna 500 Global fondunun yayılması, ekosistemin habelə texnoloji sahələrin inkişafına səbəb olacaq. Qeyd edək ki, fondun ortaqlarından olan Pedro Santos Vieira mərkəzi Tiflisdə yerləşən proqrama nəzarət edəcək. Belə ki, proqram Qafqaz, Şərqi Avropa başda olmaqla Orta asiya və Baltikyanı ölkələrdə 100-dən çox startap layihələrini 100 min dollardan başlayan investisiyalarla dəstəkləməyi nəzərdə tutur. Proqram fondun Gürcüstan Bankı, Gürcüstan İnnovasiya və Texnologiya Agentliyi ilə qurduğu ortaqlığın davamı hesab olunur.
Mərkəzi Tiflisdə olan proqrama nəzarət edən P.S Vieira qeyd edir: “Biz 100-dən çox şirkətə sərmayə qoyacağıq və onları Gürcüstan xaricində dəstəkləyəcəyik. Lakin bu, təkcə Gürcüstandakı şirkətlər üçün deyil, bütün şərqi və Cənubi Avropa, Baltikyanı ölkələr və Qafqaz üçün regional layihə olacaq. Gürcüstanda ukraynalılar, ruslar yaşayır. Habelə azərbaycanlılar və ermənilər də var. Belə ki, yaxın bir neçə il ərzində regionda geniş portfelin yaradılacağını düşünürük.“
