Ekran panellərinin təchizatı ilə tanınmış məşhur analitik analitiki Ross Young tərəfindən verilmiş yeni hesabata görə, Apple şirkətinin iPhone 17 Pro modeli ekran altında Face ID texnologiyasını təklif edən ilk iPhone olacaq. Young Twitter hesabından yenilənmiş qrafiki paylaşaraq, Apple şirkətinin 2025-ci ildə iPhone 17 seriyası ilə ekranın altındakı Face ID texnologiyasını rəsmiləşdirəcəyini açıqladı.
Hesabatda həmçinin 17 Pro modelindəki selfi kamerasının indiki Android smartfonlarda gördüyümüz qara nöqtəli dəlik şəklində olacağı deyilir. Young gözləyir ki, Apple 2027-ci ildə iPhone 19 Pro ilə ekrandakı qara nöqtəli dəliyli kamera aradan qaldıracaq və kameranı ekranın altına keçirəcək. Bir sözlə çərçivəsiz tam ekran dizaynına nail olacaq.
Qeyd edək ki, keçən il Ross iPhone 16 Pro-nun ekran altı Face ID ilə gəlməsini gözlədiyini, hətta 2025-ci ildə standart iPhone 17-də də ekranın altında Face ID texnologiyasına sahib olacağını bildirdi. Yenilənmiş qrafikdə də göründüyü kimi, biz 2025-ci ildə 17 Pro-da dəliyli ön kamera ilə ilk ekran altı Face ID-ni əldə etmiş olacağıq. 2027-ci ilə qədər tamamilə çərçivəsiz ekran dizaynı isə növbəti hədəf olacaq.
Bundan əlavə, yenilənmiş vaxt qrafiki, həmçinin iPhone 17 ilə 2025-ci ildən başlayaraq, bütün standart iPhone modellərinin ekranıüçün LTPO arxa panel texnologiyasından istifadə edəcəyini təklif edir. Bu o deməkdir ki, iPhone 17 başlayaraq, bütün standart iPhone modellərində 120Hz-ə qədər dəyişən yeniləmə tezliyi olacaq, bu xüsusiyyət hazırda iPhone Pro modellərinə xasdır.
