Google şirkəti Android smartfon istifadəçilərinin yaxın gələcəkdə olduqca işinə yaraya biləcək xüsusiyyətlərdən birini anons etdi. Belə ki, rəsmi media açıqlamasına görə Android istifadəçiləri eSIM dəstəkli smartfonlarında fiziki bir SIM işlətməkdən daha rahat formada nömrələrini cihazlar arasında transfer edə biləcəklər. Nəticə etibarilə heç əlavə bir operator xidmətinə ehtiyac qalmadan, nömrəniz dəstəklədiyi təqdirdə yeni bir rəsmiləşdirmə lisenziyası belə olmadan Android əməliyyat sisteminin gətirəcəyi yeni funksiya, eSIM transferini istifadəçilər sadə bir Google hesabı transferi qədər asanlaşdıracaq.
Google eSIM transferi funksiyası necə işləyəcək?
eSIM texnologiyası dəstəkləyən cihazınızda nömrəniz aktivdirsə, sadəcə mobil operatorunuzun Google şirkətinin gətirəcəyi yeniliyi dəstəkləməsi eSIM transferini mümkün edəcək. Verilən açıqlamaya görə Alman şirkəti Deutsche Telekom bu xüsusiyyəti dəstəkləyən ilk operator olaraq tarixə keçəcək. Növbəti mərhələlərdə isə mobil operatorların Android əməliyyat sistemli cihazlarında verəcəyi dəstəklə birlikdə eSIM nömrələr rahatlıqla cihazlar arasında transfer edilə bilən hala gələcək.
Tam olaraq əməliyyat sistemi daxilində Google eSIM transferi üçün necə bir pəncərə yaradacaq, hələlik naməlumdur. Lakin Android 14 əməliyyat sistemi ilə bu xüsusiyyətin necə işləyəcəyinin şahidi ola bilərik. Böyük bir ehtimalla belə addımların atılması yaxın gələcəkdə Apple şirkətinin başlatdığı trendlə fiziki SIM dəstəyinin sonlanmasına təkan verəcək. Digər bir tərəfdən Qualcomm şirkəti belə Android cihazlarda eSIM texnologiyasını əvəzləyəcək ıSIM texnologiyası ilə bu dəstəyi birbaşa çipset səviyyəsində inteqrasiyaya hazırlaşarkən, fiziki SIM-lərin tarix olması heç də olmayacaq kimi görünmür. Qeyd edək ki, Qualcomm eyni zamanda mobil bağlantı modemlərini də istehsal etdiyindən SIM inteqrasiyalı çipsetlər şirkət üçün o qədər də çətin olmayacaq. Hətta hədəflər də açıqlanıb ki, 2027-ci ildə iSIM texnologiyasının bazar payı 300 milyon ədədə çatacaq. Qualcomm isə eSIM həlləri sektorunda iSIM ilə təqribi 19% bazar payını əlində cəmləyəcək.
