Sizlərlə bu yaxınlarda Avropa Birliyinin işciləri üçün TikTok tətbiqinin qadağan etdiyi xəbərini paylaşmışdıq. Bu qadağan edilmələrə səbəb ölkələrin və liderlərin məşhur sosial media tətbiqi TikTok tətbiqinin casusluq iddiaları ilə bağlıdır. Avropa Birliyindən sonra indi də Kanada da TikTok sosial şəbəkəsi qadağan edilib. Kanada bu həftənin əvvəlində TikTok platformasını məxfilik və təhlükəsizlik üçün qəbuledilməz risk səviyyəsi yaratdığını bildirərək, tətbiqi hökumət tərəfindən verilən bütün cihazlarda qadağan etdiyini açıqladı. Əvvəlki xəbərlərimizdə qeyd etdiyimiz kimi, TikTok platformasının sahibi olan ByteDance Çin hökumətinə yaxın olduğu və istifadəçi məlumatlarını Çinlə paylaşdığına görə iddiham edilmişdir.
Kanada prezidenti Castin Trudeau jurnalistlərə bildirib ki, hökuməti kanadalıların onlayn təhlükəsizliyini necə təmin etməyi diqqətlə araşdırır. TikTok qərarından sonra Trudeau bu ifadələrindən istifadə edib; “Bu, ilk addım da ola bilər və ya atmalı olduğumuz yeganə addım da ola bilər” .
Xəzinədarlıq Şurasının sədri Mona Fortier verdiyi açıqlamada, TikTok tətbiqinin məlumat toplama üsullarının telefonun məzmununa əhəmiyyətli bir giriş təmin etdiyini söylədi. Bununla belə, Fortier TikTok tətbiqinin hər hansı hökumət məlumatını ələ keçirdiyinə dair heç bir dəlillərinin olmadığını da bildirir. Bütün bunlar baş verərkən, TikTok sadəcə olaraq çaşıb qalır. Kanada daxilində bu qərardan sonra bir TikTok sözçüsü yaranmış vəziyyətdən məyus olduqlarını bildirib və qadağanın heç bir təhlükəsizlik narahatlığını qeyd etmədən və ya onlarla əlaqə saxlamadan tətbiq edildiyini söyləybi. Kanada dövlət idarəçiliyinə nəzarət edən Xəzinədarlıq Şurasının verdiyi açıqlamaya görə, qadağa çərşənbə axşamından etibarən qüvvəyə minəcək və federal işçilərin də gələcəkdə tətbiqi yükləmələri bloklanacaq.
