Ötən günlərdə Xiaomi 13 seriyasının təqdimatına bir neçə gün qalmış, Avropa mənşəli mənbələr smartfonların qiyməti barədə məlumat paylaşmışdılar. Belə ki, bu həftənin sonlarına doğru Xiaomi 13 seriyası qlobal bazar üçün tanıdılacaq. Cihazların da olduqca yüksək qiymət etiketi ilə təqdim olunacağı bilinməkdədir. 26 fevralda Xiaomi 13 seriyası qlobal bazar təqdimatı ilə Mobil Dünya Konqrensi çərçivəsində qarşımıza çıxarılacaq. Məşhur insayder Roland Quandt elə ötən həftə Xiaomi 13 modelinin 8-256GB yaddaşa malik variantı Avropa ölkələrində 999 Avroya satılacağını, Xiaomi 13 Lite modelinin isə 8-128GB yaddaş variantında 499 Avroya təklif ediləcəyini bildirib. İndi isə SnoopyTech tərəfindən Redmi Note 12 seriyasının Avropa qiymətləri təqdimatdan əvvəl paylaşılıb.
Redmi Note 12 seriyasının ən baha modeli Avropa bazarında 499 Avro təşkil edəcək
Verilən məlumata görə Redmi brendinin qarşıdan gələn 12-ci seriyası 5 fərqli (Note 12 4G, 5G) modelə sahiblik edəcək. Onlar arasında ən baha model Redmi Note 12 Pro+ 5G olacaq və 499 Avro qiymətə 8-256GB yaddaş variantı təklif ediləcək. Redmi Note 12 Pro 5G modeli isə 6-128GB yaddaş variantında 399 Avro qiymətə sahib olacaq. Redmi Note 12 5G modeli isə 4-128GB yaddaş variantında 299 Avro olub, 4G variantı 279 Avroya satılacaq. Ən zəif model isə Redmi 12C olub 4-128GB yaddaşa malik variantı 199 Avroya təqdim edilmiş olacaq.
Smartonların texniki xüsusiyyətləri isə hələ ki, naməlumdur. Redmi Note 12 Pro+ 5G modelinin Çindəki ilə birə-bir eyni olacağı dəqiqdir. Lakin Redmi Note 12 Pro 5G modeli başda olmaqla Avropa bazarı üçün digər cihazların texniki xüsusiyyətləri müəyyən qədər fərqlənə bilər. Təqdimat tarixi və texniki xüsusiyyətlər bəlli olmasa da yaxın vaxtlarda böyük bir ehtimalla məlumatlar sızdırılmış olacaq. Redmi Note 12 seriyasının Çin təqdimatı zamanı təqdim edilmiş cihazlar barədə daha ətraflı saytımızdakı məqaləyə nəzər yetirə bilərsiniz.
