Xiaomi şirkəti bildiyiniz kimi, qarşıdakı həftə Xiaomi 13 seriyasını rəsmi olaraq anons edəcək. Belə ki, ötən ilin dekabr ayında Xiaomi 13 seriyası, əslində Çin bazarı üçün təqdim edildikdə cihazlar hər birimiz üçün məlum olmuşdu. Ona görə də smartfonların qlobal bazarda ən çox maraqla gözlənilən tərəfi qiymətlə bağlı olacaq. Artıq Avropa mənşəli resurslar tərəfindən smartfonların qiyməti açıqlanıb və Xiaomi 13, o cümlədən Xiaomi 13 Lite modelinin qiymətləri bəlli olub.
Xiaomi 13 seriyasının Avropa qiyməti Çin qiymətlərindən 2 dəfəyə yaxın çox olacaq
26 fevralda Xiaomi 13 seriyasının qlobal bazar təqdimatı Mobil Dünya Konqrensi çərçivəsində qarşımıza çıxarılacaq. Lakin Barselonadan qabaq Xiaomi 13 Lite belə daxil olmaqla bizlərə çoxdan məlumdur. Məşhur insayder Roland Quandt tərəfindən verilən məlumata əsasən, ilk növbədə Xiaomi 13 modelinin 8-256GB yaddaşa malik variantı Avropa ölkələrində 999 Avroya satılacaq. Eyni modelin Çindəki satışa qiyməti sadəcə 588 Avro təşkil edir.
Xiaomi 13 modelinin bu qiymətə satılacağı doğrudursa, Xiaomi 13 Pro modelinin qiyməti qat-qat yüksək olacaq deməkdir. Xiaomi CIVI 2 modelinin təkrar brendləşdirilmiş variantı Xiaomi 13 Lite modeli də 8-128GB yaddaş variantında 499 Avroya təklif ediləcək. Eyni zamanda bu qiymət də Çindəki qarşılığı ilə çox yüksəkdir. Çində bu cihaz satışa ilk çıxarılarkən, 8-128GB yaddaşa malik variantı 310 Avro təşkil edirdi. Smartfonlar barədə daha ətraflı məlumat Xiaomi 13 seriyası və Xiaomi 13 Lite modellərinin təqdimat məqaləsi ilə saytımızdan tanış ola bilərsiniz.
