Qualcomm şirkəti tərəfindən hazırlanan ən güclü çipset hal-hazırda “Snapdragon 8 Gen 2 for Galaxy” olub, yalnız Galaxy S23 seriyasında istifadə olunur. Digər smartfonlar üçün bu çipset hələlik Snapdragon 8+ Gen 2 adı ilə belə çıxarılmazkən, insayderlər tərəfindən Snapdragon 8 Gen 3 çipseti barədə detallar paylaşılıb. Belə ki, iddialara görə Snapdragon 8 Gen 2 çipsetinin xələfi A16 Bionic çipsetindən belə Geekbench testləri nəzərən xeyli öndə performans göstərir.
Snapdragon 8 Gen 3 çipseti Geekbench testlərində 20% daha yüksək nəticə göstərir
İlkin detallara əsasən, Snapdragon 8 Gen 3 nüvə konfiqurasiyası cəhətdən sələfi ilə müqayisədə yenilənəcək. Yenilənmiş çipsetin nüvə düzülüşü 1+5+2 şəklində olacaq. Olduqca aqressiv nüvə düzülüşünə keçid etməsi gözlənilən şirkət 1 ədəd Cortex-X4 çipsetinin yanında tam olaraq, 5 ədəd Cortex-A7XX nüvəsi və sadəcə 2 ədəd Cortex-A5XX nüvəsindən istifadə edəcək. Buna baxmayaraq enerji sərfiyyatının yenə də Snapdragon 8 Gen 2 ilə müqayisədə 20% az olması gözlənilir. Maraqlıdır ki, sadəcə 2 ədəd enerji səmərəli nüvə ilə bu çipsetin necə həqiqətən də enerji sərfiyyatı olacağı naməlumdur.
Əgər Geekbench nəticələri doğrudursa təkli nüvənin testində 29% daha yüksək nəticə ilə bu çipset 1930 xal, çoxlu nüvənin testində 20% daha yüksək nəticə ilə 6236 xal toplayacaq. Bütün bu məlumatların nə qədər doğru olduğunu bizə zaman göstərəcək. Əlavə olaraq qeyd edək ki, çipsetin hansı texnoloji prosesə əsaslandığı da naməlumdur. Snapdragon 8 gen 3 çipseti istehsal prosesinə 4nm istehsal prosesi ilə davam edə bilər. Lakin bu il A17 Bionic çipsetinı keçid edilərsə, rəqabət üçün 3nm texnoloji prosesə keçid edilməsi mümkündür.
