İstər texnologiya nəhəngləri, istərsə də yeni startaplar süni intellekt sahəsində fəaliyyətlərini sürətləndirməyə davam edirlər. Google da bu şirkətlərdən biridir. ChatGPT-nin Google-un gələcəyini təhdid etdiyi xəbərini daha əvvəl sizinlə bölüşmüşük. Google ötən aylarda ChatGPT-yə rəqib olan məhsulu buraxmayacağını açıqlamışdı. Sundar Pichai və Jeff Dean, Google sisteminin süni intellekt dili modellərinin OpenAI qədər qabiliyyətli olduğunu, lakin texnologiyanın yaratdığı reputasiya riskinə görə şirkətin ChatGPT-yə bənzər məhsulu satışa çıxarmayacağını deyib. İndi isə xəbərlər əks istiqamətdədir. Belə ki, Google “Apprentice Bard” adlı öz süni intellekt çatbotu üzərində işləyir.
Indi isə Google-un süni intellektinə qayıdaq. CNBC-nin xüsusi hesabatına görə, Google işçiləri hazırda ChatGPT kimi təbii dildən istifadə edərək verilən suallara cavab verən “Apprentice Bard” adlı öz süni intellekt chatbotunu sınaqdan keçirirlər. Bildirilir ki, Apprentice Bard, ChatGPT-nin etibar etdiyi GPT seriyalı AI dil modellərinə bənzəyən Google-un LaMDA texnologiyasından istifadə etməklə yaradılıb.
Google şirkətinin inkişaf etditdiyi süni intellekt eynilə ChatGPT kimidir. İnsanlar dialoqa sual daxil edə, mətn cavabı ala və sonra cavabla bağlı rəy bildirə bilərlər. Apprentice Bard-ın cavablarına ChatGPT-də hələ mövcud olmayan son hadisələr daxil ola bilər. Google-un süni intellekti, həmçinin daxili olaraq işə salınmış, lakin sonradan dayandırılmış ağıllı chatbotun əvvəlki versiyası olan Meena-nı əvəz etdiyi də iddia edilir.
Bildirilib ki, sözügedən layihə qısa müddətdə digər layihələri üstələyib. Tətbiqin rəsmi olaraq nə vaxt təqdim ediləcəyi, hələ ki, bəlli deyil. Ancaq deyə bilərik ki, Google süni intellekt sahəsindəki işlərini sürətləndirdi və bu sahədə rəqabətin qısa zamanda sürətlənəcəyi ehtimalı var.
Başqa bir gündəmdə olan xəbər isə ChatGPT Plus ilə bağlıdır. Open AI problemləri daha sürətli həll etmək və etibarlı girişə ehtiyacı olan və yeni funksiyalara üstünlük verənlər üçün rəsmi olaraq abunəlik modelini elan etdi. Aylardır ChatGPT Plus haqqında şayiələr var, lakin onun ətrafında bəzi təfərrüatlar nəhayət rəsmidir. Abunəliyin qiymətinin aylıq 20 dollardan başlaması nəzərdə tutulur.
