Sizlərə bu yaxınlarda Zeekr 001 elektromobilinin 2023-cü il üçün yenilənmiş variantı haqqında məlumat vermişdik. Yenilənmiş Zeekr 001 elektromobilin əsas xüsuiyyətlərindən biri tam şarjla tam 1032 km yol qət edə biməsi idi. İndi isə Geely şirkəti Zeekr 003 elektromobili üzərində işləyir. Hansı ki, bu model orta seqmentə aid olacaq.
Zeekr, Geely şirkətinin Volvo ilə ortaq şəkildə həyata keçirdiyi lahiyələrdən biridir. Məlumatlara görə modelin interyeri Zeekr 001 və Zeekr 009 modellərini xatırladacaq. Konsolun mərkəzində LCD ekran paneli yerləşdiriləcək
Əsas məsələ isə elektromobilin texniki amilləri ilə bağlıdır. Modellin tək arxa ötürücü mühərrikli variantı 200 kVt güc və 343 Nm fırlanma anı hasil edir. Məlumatlara görə, model 66 kVts həcmli litium-ion batareya ilə təhciz olunub ki, bu bateryanın köməkliyi ilə elektromobil tam şarjla 535-560 km məsafədə qət edə bilər.
Geely ilə ortaq şəkildə hazırlanan bir çox modeldə olduğu kimi, Zeekr 003 modelidə SEA platformasında qurulacaq. Hələlik yuxarda qeyd etdiyimiz məlumatlardan başqa texniki məlumatın paylaşılmadığını söyləyə bilərik. Zeekr 003 modelinin dizayn dinamikası Avropada hazırlandığından diqqəti cəlb edir. İsveçdə Geely dizayn rəhbəri Stefan Sielaff-ın rəhbərliyi altında dizayn edilmiş model ilk mərhələdə seçilmiş bazarlarda təklif olunacaq. Keçən il 72.000 ədəd satışa nail olan marka, 2023-cü ildə satışlarını iki dəfə artırmağı hədəfləyir. Orta seqment üçün nəzərdə tutulan bu elektromobilin qiymətinin də yüksək olmayacaqı məlum məsələdir. Məlumatlara görə modelin qiyməti 200.000 yuan təxminən 37 min Azərbacan manatı təşkil edəcək.
