Bir şirkət nə qədər nəhəng bir Google belə olsa insanlar daim öz mənfi məqsədlərinə çatmaq üçün lazım olan boşluqları tapmağa can atırlar. Ortaya çıxan məlumatlara görə, xakerlər Google kimi axtarış nəhənginin xidmətləri hesabına zərərli proqramlar olan saxta saytları tanıtmaq üçün çox yaxşı bir üsul tapıblar. Belə ki, 7-Zip , Blender 3D , Capcut , CCleaner , Notepad++, OBS, Rufus , VirtualBox, VLC Media Player , WinRAR, Putty kimi bir çox məşhur proqramın rəsmi saytına bənzər saxta versiyasını yaradan xakerlər, Google Ads platforması vasitəsilə həmin saxta saytları reklama veriblər.
Bildiyimiz kimi Google axtarış sistemində reklamlar ən üst hissədə göstərilir. Buna görə də xakerlər yaratdığı saxta saytları Google Ads də reklam edir və nəticədə yaradılmış saxta saytlar öz rəsmi internet səhifələrinin üstündə göstərilir. Əgər sizdə axtarış edərkən saytın ünvanına fikir verməsəniz, bu tələyə düşə bilərsiniz. Hətta saysız-hesabsız istifadəçinin bu şəkildə aldadıldığı bildirlir.
NFT God ləqəbli Twitter istifadəçisi deyir ki, o, OBS (Open Broadcaster Software) adlı məşhur videoyazma və yayım proqramının (zərərli) quraşdırma faylını diqqət etmədən saxta internet saytından endirib. Bir neçə saat sonra dostları onun Twitter hesabının sındırıldığı ilə qarşılaşıb.
Bundan əlavə olaraq xakerlər qurbanın OpenSea NFT ticarət platformasındakı hesabına, bir sıra digər kriptovalyuta pul kisələrinə, Substack, Gmail və Discord hesabına daxil olublar. BleepingComputer resursu axtarış sisteminin reklam nəticələrində saxta internet saytları haqqında bütün mövcud məlumatları toplayıb və Google şirkətinə göndərib.
Google şirkətinin açıqlamasında deyilir:” Reklamçının kimliyini gizlədərək və digər brendləri təqlid edərək sanksiyalarımızdan yan keçməyə cəhd edən reklamları qadağan edən möhkəm siyasətimiz var. Biz sözügedən reklamları nəzərdən keçirdik və sildik”. Lakin bu açıqlama belə gələcəkdə eyni halların təkrar baş tutub-tutmayacağı barədə zəmanət vermir. Odur ki, daxil olduğunuz saytlara diqqət etməyinizdə fayda var.
