OnePlus Ace seriyası bu ilin aprel ayında ilk dəfə qarşımıza çıxarıldı. Orta-üst seqment üçün nəzər tutulmuş cihaz bir çox müsbət özəlliklərə sahib olsa da bəzi mənfi xüsusiyyətlərə malik idi. Məsələn, Dimensity 8100 kimi möhtəşəm enerji sərfiyyatına malik çipset həmin cihaz üçün düzgün sazlanmamışdı. Alıcılar aldıqdan 1 həftə sonra isinmədən şikayət edirdilər. Hətta bütün bunları kənara qoysaq sürüşdürlə bilən səs düyməsi belə Ace modelində istifadə olunmamışdı. İndiyə qədər iPhone modellərindən sonra OnePlus üçün bu xüsusiyyət ikonik idisə, artıq belə bir şey mövcud deyildi. Nə olursa-olsun bu gün isə gözlər seriyanın yeni nümayəndəsi olan OnePlus Ace Racing üzərindədir.
Əslində Ace seriyası OPPO inteqrasiyasından sonra bu brendinə ötürülüb. Yalnız Çin bazarında özünün göstərən OnePlus Ace xarici bazara fərqli adla çıxarılıb. Aydındır ki, söhbət OnePlus 10R modelindən gedir. Bu gün təqdim edilən OnePlus Ace Racing Edition isə yenə Çin bazarı üçün nəzərdə tutulub. Qlobal bazara hansı adla təkrar brendləşdiriləcəyi naməlumdur. Gəlin sizinlə birlikdə yeni smartfona yaxından nəzər salaq.
Smartfonun dizaynı necə alınıb?
Smartfonun dizaynından danışmağa başlayaq. Cihazın mavi rəngli variantının arxa tərəfində plastik tərkibli şüşə görüntülü qapaq istifadə olunur. Boz rəngli variantı isə qranitə bənzər örtüklə örtülüb. Lakin hissiyatının yenə hamar olduğu bildirilir.
Ace modeli kəskin kənarlı gövdəyə sahib idi. Ace Racing nisbətən ucuz smartfon olduğundan daha sadə və yuvarlaq kənarlı gövdəyə malikdir. Sol yuxarı hissədə OnePlus 10 seriyasını xatırladan kamera modulu yerləşdirilib. 3 ədəd kamera sensoru mövcuddur, dördüncü boşluq isə dizaynını tamamlamaq üçün işlədilib. Əslində fiziki bir çıxıntı deyil. Sadəcə 64MP damğası detal kimi əlavə edilib.
Ön tərəfdən baxdıqda isə qalın ekran çərçivələri diqqət çəkir. O qədər də pis deyil, lakin ən azından ekranın çənə qismi daha nazik ola bilərdi. Dizayn barədə bəhs etməyi burada sonlandırmaq istəyirik. Biraz da smartfonun texniki detallarını sizlərlə bölşüməyə çalışaq.
OnePlus Ace Racing modeli texniki cəhətdən nələr vəd edir?
Smartfon 6.59 düymlük FHD təsvir ölçülü IPS LCD ekran paneli ilə təchiz edilib. 120Hz tezlikli ekran paneli adaptivdir. Yəni tezliyi 30Hz-ə qədər azalda bilər . Sensor tezliyi 240Hz-dir. Günəş işığı altında çıxa bildiyi ən yüksək parlaqlıq 600 nit-dir. P3 rəng qamutu, 8 bit rəng dərinliyi kimi detalları özündə birləşdirir.
Əsas sual nəyə görə məhz bu cihazda IPS LCD ekran panelinin işlədilməsidir. Bunu OnePlus brendinin öndən atdığı bir addım kimi qiymətləndirə bilərsiniz. Hansı ki, əsas hədəf burada Xiaomi ola bilər. Bu barədə sonda sizə məlumat verəcəyik. Hələ ki, texniki özəlliklərdən davam edək.
Smartfon öz gücünü Mediatek şirkətinin istehsalı olan Dimensity 8100 çipsetindən alır. Şirkət çipseti Dimensity 8100-Max olaraq adlandırır. Lakin süni intellekt yaxşılaşdırmaları xaricində Max uzantısının əhəmiyyəti yoxdur. Çipsetin performansı sabitdir. Buxar qazanlı soyutma sistemi ilə təchiz edilib. Yaddaş və operativ yaddaş çipləri, uyğun olaraq UFS 3.1 və LPDDR5-dir.
Üst model olan OnePlus Ace modelində şirkət çipseti öz cihazlarına uyğunlaşdırmaqda və optimizasiya etməkdə çətinlik çəkmişdi. Hətta cihazın soyutma sistemində müəyyən çatışmazlıq olduğu da iddia edilirdi. Ümid edirik yenə eyni problemlər təkrarlanmaz.
Smartfonun kamera parametrlərində işlədilən sensorların istehsalçıları barədə rəsmi məlumat verilmir. 64MP F/1.7 əsas sensor, 8MP 112° ultra-geniş bucaqlı və 2MP təsvir ölçülü makro sensoları ilə tamamlanıb. Ön tərəfdə 16MP selfi kamerası işlədilib. 4K keyfiyyətdə maksimum 30FPS-ə qədər video qeydlər edə bilərsiniz. Kamera barədə danışacaq başqa əhəmiyyətli bir üstünlük yoxdur.
Ace Racing Edition modelinə 5000mAh həcmli batareya quraşdırılıb. 67W dəyərində sürətli doldurma dəstəkləyir. 3.5mm qulaqlıq girişi vardır. Dirac Audio imzalı yüksək keyfiyyətli stereo səs ucaldanlara sahibdir.
Mətnin ortasında smartfonun Xiaomi hədəf alınaraq hazırlanmış ola biləcəyini qeyd etmişik. Bunun səbəbi yaxınlaşmaqda olan Redmi Note 11T seriyasıdır. Redmi Note 11T seriyası, sanki POCO X3 Pro tərzində ucuz qiymətə yüksək performans axtaranlar üçün hazırlanılır. İddia edilir ki, Redmi Note 11T seriyasındakı modellərdən biri Ace Racing ilə bənzər formada Dimensity 8100 çipsetinə və IPS LCD ekran panelinə sahib olacaq. OnePlus brendi tez tərpənib onlardan öncə oxşar xüsusiyyətlərlə təchiz edilmiş smartfonu bazara çıxarmış ola bilər.
OnePlus Ace Racing Edition modelinin qiyməti aşağıdakı kimi təşkil edir:
- 8-128GB 1899¥ (281$)
- 8-256GB 1999¥ (296$)
- 12-256GB 2399¥ (356$)
