Dünya 5G internet texnologiyasını yaymağa çalışarkən, elm adamları 6G infrastrukturunun yaradılması üçün araşdırmalar aparır. ABŞ-ın Massachusetts Amherst Universitetinin tədqiqatçıları 6G-dən səmərəli istifadə etmək üçün insan bədənindən bir növ antenna kimi istifadə oluna biləcəyini irəli sürüblər.
5G texnologiyası informasiyanı kodlaşdırmaq və daşımaq üçün radio dalğalarından istifadə edir. 6G-nin bunu aşmaq üçün hansı texnologiyadan istifadə edəcəyi hələ də müzakirə mövzusudur. Populyar tövsiyələrdən birinə görə, Visible Light Communication (VLC) sayəsində daha yüksək bant genişliyinə nail olmaq və daha çox məlumat ötürmək mümkündür. Bu üsulun tətbiqi ilkin mərhələdə 6G üçün effektiv görülsə də, bəzi problemi tərəflər mövcuddur.
VLC sadəcə olaraq radio dalğaları deyil, saniyədə milyon dəfə yanıb-sönə bilən LED işıqları vasitəsilə məlumat ötürmək deməkdir. Bu fikrin səmərəliliyi ilə bağlı problem var. Çünki bu rabitə metodunda radiodalğalar şəklində çoxlu tullantı enerjisi əmələ gətirir. Alimlərin “RF siqnalları” adlandırdıqları bu enerji ətraf mühitə qarışaraq yox olur. Başqa sözlə, boşa çıxır.
Araşdırma qrupuna rəhbərlik edən Jie Xiong, “Biz gələcəyin texnologiyasını gücləndirmək üçün tullantı enerjisini istənilən mənbədən toplaya bilmək istəyirik” deyir. Kompüter elmləri professoru hesab edir ki, sızan RF siqnalları tutularaq başqa məqsədl’r üçün istifadə edilə bilər. Tədqiqat bu siqnalları tuta bilən bir sıra obyektlərlə sınaqdan keçirib. Ən məhsuldar obyektin isə mis üzük vəya “antenlər” olduğu müəyyən edilib. Bu mis üzük elektron cihazlara, divarlara və ya plastik, karton, ağac və poladdan hazırlanmış əşyalara bərkidilə bilər. Bununla belə, ən çox enerjini insanlarla əlaqədə olanda tutulduğu aşkarlanıb. Tədqiqat qrupu belə qənaətə gəlib ki, 6G texnologiyasının inkişafında sızıntının qarşısını almağın ən təsirli yolu insan biləklərinə mis üzük taxmaqdır.
Tədqiqatçılar hesab edirlər ki, bu nəzəriyyə ilə insan bədənindən istifadə 6G-yə gedən yolu əhəmiyyətli dərəcədə asanlaşdıra bilər. Lakin 5G ilə bağlı çoxsaylı sui-qəsd nəzəriyyələrini nəzərə alsaq, insanların 6G üçün daşınan cihazlardan istifadə etmək istəyəcəkləri naməlumdur.
