Bildiyiniz kimi Google mayın 11 və 12-də keçirilən I/O 2022 tədbirində Android 13 əməliyyat sistemini təqdim etdi. Həmçinin Pixel 7 və Pixel 7 Pro modelləri də ilk dəfə nümayiş etdirildi və o cümlədən smartfonların daha çox təkmilləşmə əldə edəcəyini inanılırdı. Sonra, keçən oktyabr ayında hər iki cihazı satışa çıxarıldı. Lakin çox təəəssüf ki, Google Pixel 7 seriyası gözlənilən qədər həyacan yarada bilmədi. Belə ki, indi ortaya çıxan məlumatlar görə Google Pixel 7 modellərinin kamerası öz-özünə parçalanır.
Google Pixel 7 seriyasının kamera obyektivi öz-özünə dağılır!
Google Pixel 7 və Pixel 7 Pro modelləri ötən ilin oktyabrında satışa çıxarıldıqdan sonra milyonlarla insan tərəfindən alınıb. Amma ilk həftələrdə mükəmməl görünən bu cihazlar haqqında son bir ayda maraqlı xəbərlər gəlir. Paylaşımlara görə, Google Pixel 7 seriyasının onlarla istifadəçisi cihazlarının kamera şüşələrinə heç bir şey etməsələr belə, kortəbii şəkildə parçalanır. Buna görə də, digər linzalar, xüsusən də əsas kamera yararsız hala düşür.
Mövzu ilə bağlı hələlik Google şirkətindən rəsmi açıqlama verilməsə də, Samsung şirkətinin bir neçə il əvvəl Note 7 modellərində etdiyi millimetrik hesablama səhvinə görə yanan batareyalara bənzər bir xətanın olduğu barədə fikirlər var. Başqa sözlə, kamera obyektivlərini qoruyan şüşəni əhatə edən metal hissənin dizayn mərhələsində hesablama səhvi edildiyi və ya genişlənməni nəzərə almadan şüşəni xətalı miqyasda yerləşdirdiyi düşünülür. Təbii ki, nə olursa olsun, bu seriya, kamera şüşəsini özbaşına partlayan ilk telefon modeli olduğu üçün adını tarixə yazmağı bacarıb.
