Bir Azərbaycanlı olaraq yəqin ki, çoxlarımıza Moskviç brendi illərdir tanışdır. Rusiyanın tanınmış Moskviç şirkəti ilk elektromobili olan Moskviç 3e modelini satışa çıxarıb. Aşağıdakı şəkillərdən də gördüyünüz kimi bu elektromobil indiyə qədər gördüyünüz “Moskviçlərdən” çox fərqlənir. Buna səbəb isə elektromobilin daha müasir gövdə üzərinə inşa edilməsidir. İnşa edilib deməyimizin səbəbi isə, kuzovun əslində JAC Sehol E40X modelinə aid olmasıdır.
Moskviç 3e elektromobili, sadə Moskviç 3 modelindən fərqli olaraq daxili yanma mühərriki əvəzinə, öndə 68 at gücü hasil edən SY Power TZ200XSIEM1 elektrik mühərriki və 55 kVts həcmli olduğu bildirilən Sinoev 21011S4C4 batareyası ilə təhciz olunub. Elektromobil tam dolu şarjla 410 km yürüyüş məsafəsi təklif edir. Əlavə olaraq elektromobilə 17 düymlük yüngül lehimli disklər, 10.25 düymlük sensorlu ekrana malik media sistemi, LED gündüz işıqları və hərtərəfli kameralar daxildir.
Ümumi dizayn baxımında şirkətin etdiyi heç bir dəyişiklik yoxdur. Təbii ki, loqotip dəyişikliyini nəzərə almaq. Avtomobilin detalları JAC Sehol E40X modelinin bazasında hazırlandığı üçün elementlərin bir çoxu Çindəki əkizindən gəlir. 2023-cü ilin planında şirkət Moskviç brendi altında 50 min krossoverin buraxılması nəzərdə tutur ki, onlardan da 10 min avtomobili elektriklə işləyəcək.
Petrovski dilerinin marketinq və informasiya texnologiyaları üzrə direktoru Sergey Novoselski müsaqibəsində bildirib ki, şəhər içi sürüşlər üçün effektiv olan elektrik krossoveri Moskviç 3e nin qiyməti 3,5 milyon rubl təşkil edəcək. Bu da təxminən 84.000 Azərbaycan manatına bərabərdir. 150 at gücündə 1,5 turbo mühərriki və CVT ilə təchiz edilmiş Moskviç 3 modelinin elektrikli variantı ilə müqayisədə təqribi 1,53 milyon rubl daha ucuz başa gələcəyi deyilir. Bu da təxminən 37.000 Azərbaycan manatı qədər daha aşağı qiymət deməkdir ki, bu avtomobillərə bu qədər yüksək məbləğ verilməsi belə sual altındadır. Qeyd edək ki, elektromobilin 5 fərqli rənglə gələcəyi deyilir.
