Belə ki, bu gün ölkəmizdə Təhsil Nazirliyi və “Alqoritmika” beynəlxalq proqramlaşdırma məktəbi əməkdaşlığında “Rəqəmsal bacarıqlar” müsabiqəsi baş tutub. IV-IX sinif şagirdləri üçün təşkil etdiyi “Kod saatı: rəqəmsal gələcəyə addım 2022-ci il” müsabiqəsi şagirdlərin İKT sahəsində inkişafı timsalında həyata keçirilib. Müsabiqənin əsas məqsədi şagirdlərin daha aşağı yaşlardan İKT bacarıqlarını dərindən qazanmasını, rəqabətliliyini, məntiqini və fikirlərini ənənədən kənar formada texnologiya sahəsinə hazırlamış formada təmin etməkdir.
Verilən məlumata görə 54 şəhər və rayondan 20223 şagird qeydiyyatdan keçərək müsabiqənin birinci mərhələsində iştirak edib. Onlardan 9290 nəfəri qız, 10933 nəfəri oğlandır. Seçim mərhələsinin nəticələrinə əsasən, “Rəqəmsal gələcəyə addım” müsabiqəsi üzrə 300 şagird finalda yarışıb. Onlardan 100 nəfəri isə regionları təmsil edir. “Rəqəmsal bacarıqlar” layihəsi üzrə isə bu tədris ilindən etibarən 48 şəhər və regionda 418 məktəbdən 300 min şagirdi əhatə etməyi bacarıb. 700-dən çox şagird yeni yaradılmış “Rəqəmsal bacarıqlar” təmayül siniflərinə alınaraq informatika əsaslı tədris proqramına cəlb olunub.
