Bu ay təqdim edilən ən diqqət çəkən smartfonlar Xiaomi 13 seriyasına aid idi. Smartfonlar təqdim edildikdən sonra yayımladığımız Xiaomi 13 təqdimat məqaləsini saytımızdan axtararaq oxuya bilərsiniz. Lakin bu xəbərimizin əsas mövzusu Xiaomi 13 seriyasının dizaynı ilə bağlı olan başqa detallardır. Belə ki, Xiaomi baş icraçı direktoru son 2 həftə ərzində bir-birindən fərqli açıqlamalar edir. Əvvəlcə nəyə görə iPhone işlətdiyi barədə danışan Lei Jun, indi də nəyə görə flaqman modellərdə qıvrımlı ekran dizaynından əl çəkmədiklərini izah edib.
Xiaomi rəhbəri qıvrımlı ekran trendinin səbəbini smartfonların qalınlıq problemi kimi izah edib
Əgər Xiaomi 13 seriyasındakı modellər sizə tanışdırsa smartfonlardan birinin düz, digərinin qıvrımlı ekrana malik 2 fərqli variant ilə satışa çıxarıldığından xəbərdarsınız. Düz, yoxsa qıvrımlı ekranın üstün olduğu barədə heçnə deyə bilmərik. Çünki, hərəsinin özünə görə müxtəlif avantajları var. Lakin istifadəçilərin böyük bir əksəriyyəti qıvrımlı ekran panelini sevmir. Xiaomi şirkəti isə qıvrımlı ekran ilə “Mi 10” seriyasından bu yana qarşımıza çıxmağa davam edir.
Şirkətin baş icraçı direktoru Lei Jun qıvrımlı ekranın uzun illərdir təxirə salınmadan istifadəsini qalınlıq problemləri ilə əlaqələndirib. Onun sözlərinə görə, sadə Xiaomi 13 modelinə baxsanız cihazın nə qədər qalın olduğunu görə bilərsiniz. Texniki cəhətdən flaqman modellər müxtəlif çeşidli imkanları özündə birləşdirdiyindən smartfonun gövdəsi istəməsəniz belə qalın olur. Qıvrımlı ekrandan istifadə isə ən azından yanlardan smartfonun nisbətən incə görünməsini təmin edir.
Xiaomi 13 Pro modelinə də üstdən və ya aşağıdan baxdıqda çox qalın olduğunu görmək olur. Yanlardan baxdıqda isə bu qalınlıq həm ekran, həm arxa qapağın qıvrımlı olması səbəbi ilə azalır. Nəticədə tək əldə istifadə daha erqonomik olur. Təbii ki, bu açıqlama ilə razılaşanlar olduğu qədər, razı olmayanlar da var. Lakin Xiaomi rəhbərinin bu mövzuda bildirdiyi rəy bu cürdür. Siz isə öz fikirlərinizi sosial mediada paylaşımın altından rəylərdə bölüşə bilərsiniz.
