Dell Luna həm təmiri asanlaşdırmaq, həm də elektron tullantıları azaltmaq üçün təkmilləşdirilə, dəyişdirilməsi asan hissələri olan modulyar noutbuk kimi hazırlanıb. Şirkətin dediyinə görə ekoloji cəhətdən təmiz noutbuk bugünkü mürəkkəb noutbuklarla müqayisədə təmiri nəzərəçarpacaq qədər asandır.
Belə ki, ötən həftə baş tutan media tədbiri zamanı Dell şirkəti bu noutbukun əsas diqqət çəkən tərəflərini izah edib. Üstəlik, onu təmir etməyin nə qədər asan olduğu göstərilib. Konsept mərhələsində olan yeni noutbukun əsas xüsusiyyəti, sadəcə xarab olmuş hissəsini yenisi ilə əvəz etməklə pula, vaxta və elektron tullantılara qənaət edə bilərsiniz. Problem ondadır ki, xarab olmuş hissəni dəyişdirilməsi üçün cihazın təmirə göndərilməi lazımdır bu da vaxt aparır və baha başa gəlir. Lakin Luna konsepti üçün belə bir məhdudiyyət yoxdur. Çünki, Dell Luna modeli texniki biliyi olmayan istifadəçi tərəfindən təmir olunmaq üçün nəzərdə tutulub.
Sadə alət ilə klaviatura yuvasını açdıqadan sonra hər bir parça, ekran panelinə qədər asanlıqla çıxarıla bilər, çünki onları birləşdirən hər hansı bir vint (şurup), yapışqanlı birləşmə yoxdur. Klaviatura, səs ucaldanlar, batareya asanlıqla qutudan çıxarıla bilir. Tamamilə sökülməsi təxminən 30-50 saniyə çəkir.
Dell modulların dəyişdirilməsini o qədər asanlaşdırıb ki, hətta robot belə bunu edə bilər. Normalda həssas kabelləri və birləşdiriciləri ayırmaq üçün insan barmaqları tələb olunur, lakin Luna ilə belə deyil. Həmçinin, hər bir parçanın müəyyənləşdirilməsini asanlaşdırmaq üçün xüsusi QR kodu var.
Noutbuk satışa çıxmağa başlasa və dörd ildən sonra məsələn, yeni batareyaya ehtiyac olsa Dell bu hissələri istehsal etməli olacaq. Beləliklə, bunun uğurlu olması üçün Dell uzunmüddətli öhdəlik götürməlidir. Əvvəllər Alienware seriyası “yenilənə bilən” noutbuklarla oxşar öhdəliklər uğurlu alınmamışdı. Konsept artıq 1 ildir mövcud olduğundan bazar çıxarılıb-çıxarılmamasına qarşıdakı ildə qərar verilə bilər.
