Markasından asılı olmayaraq elektromobillər, soyuq havalarda gediş məsafəsi yay ayları ilə müqayisədə müəyyən qədər aşağı olur. Aşağı temperatur səbibi ilə artan enerji istehlakı bateryanın həcmini çox sürətli boşaldır. İsti havalara görə soyuq havalarda məsafənin itirilməsinin, daha dəqiq desək bateryanın belə tez boşalması isə elektromobillərin ən böyük problemlərindən biridir. Hətta istfadə etdiyimiz smartfonlarda da bəzən bunun şahidi olmuşuq ki, soyuq havada baterya çox tez boşalır. Bunun kimyəvi və mexaniki olaraq iki əsas səbəbi var. Ən sadə formada elektromobillər üçün də soyuq havada batareyada kimyəvi və fiziki reaksiyalar daha yavaş baş verir. Bu da elektrikli avtomobilin gücünü azaldır.
Bundan əlavə, elektromobillər öz istiliklərini xüsusi qurğu hesabına yaratmalıdırlar. Daxili yanma mühərrikləri olan avtomobillərdə matorun istiliyini kabinəni qızdırmaq üçün istifadə edildiyi halda, elektromobillərdə bu mümkün deyil. Buna görə daxili istilik yaratmaq üçün batareyadan istifadə etmək lazımdır.
Recurrent analitik şirkət 7000 elektromobilin məlumatlarını təhlil edib. Mütəxəssislər +21 və -7 dərəcə Selsi temperaturunda 13 məşhur modelin nəticələrini müqayisə ediblər.
Şəkildən də gördüyünüz kimi araşdırmaya Tesla, Nissan, Ford və Volkswagen markalarının avtomobilləri daxil edilib. Sıfırdan aşağı temperaturda ən yüksək təsdiqlənmiş məsafə itkisi Volkswagen ID.4 və Ford Mustang Mach-E modellərində müşahidə olunub. Bu elektromobillər qışda yaya nisbətən 30% daha az səyahət edilə bilər.
Bunun əksinə olaraq Tesla Model Y və Model X böyük nəticələr əldə etdilər. Təsdiqlənmiş ən aşağı məsafə itkisi olan bu avtomobillərin batareya performansı yalnız 15% azalıb.
