Ötən ay Avropada “Avropa Birliyinin Rəqəmsal Bazarlar Aktı” qanunun qüvvəyə minməsi ilə bağlı xəbər vermişdik. Belə ki, 2023-cü ilə qədər texnoloji şirkətlər üçün yeni şərtlər gətirən bu qanun bazarda qarşılıqlı fəaliyyəti mümkün edir və “məcburiyyətləri” bir növ ləğv edirdi. San-Fransiskoda olan konfransı zamanı Gerard de Graaf bu qanun istinadən belə bir fikir irəli sürmüşdü ki, “Rəqəmsal Bazarlar Aktı” qüvvəyə minəcəyi təqdirdə hətta Apple şirkəti belə App Store xaricində üçüncü tərəf tətbiq mağazalarını smartfonlara quraşdırmağa icazə verməli idi. Belə ki, Bloomberg resursu tərəfindən verilən məkumata görə bu iddia həqiqətən öz təsdiqini tapıb. “Avropa Birliyinin Rəqəmsal Bazarlar Aktına” görə Apple şirkəti Avropa Birliyi tələbinə uyğun olaraq App Store məcburiyyətini ortadan götürüb, üçüncü tərəf tətbiq mağazalarından istifadəni mümkün edəcək.
Tətbiq mağazası kimi App Store məcburiyyəti iOS 17 ilə ləğv edilməlidir
Məlumatda bildirilir ki, Apple şirkəti artıq bu məcburiyyəti də tətbiq etmək üçün işlərə başlayıb. Şirkətlər 2023-cü ilin yazına qədər yeni qanuna uyğunlaşmalıdırlar. 2024-cü ilin ortalarına qədər isə şirkətlərin tətbiq dövrünə keçid etməsi nəzərdə tutulur. Buna görə də Avropa Birliyi tələbi ilə Apple şirkəti artıq iOS 17 əməliyyat sistemində tətbiqləri App Store xaricində üçüncü tərəf qaynaqlardan və ya mağazalardan yükləyə bilməyə uyğun hala gətirməlidir.
Bunun əsas səbəbi Apple şirkətinin App Store mağazasını məcbur edib, yüksək komissiya haqqı alması kimi qiymətləndirilir. Təqribi hər tətbiq üçün 30%-lik bir komissiya haqqı olduğu təxmin edilir. Bu “Rəqəmsal Bazarlar Aktı” isə tətbiqlərin daha elastik formada müxtəlif qaynaqlardan yüklənməsinə icazə verəcək. Belə olduğu halda Apple şirkəti komissiya haqqını azaltmağa məcbur ola və rəqabət arta bilər.
Digər bir maraqlı nüans sizə bu “Rəqəmsal Bazar Aktının” ABŞ-də də maraqla qarşılanmasıdır. İddialara görə Avropa biriliyi App Store xaricində üçüncü tərəf tətbiq mağazalarına məcburiyyət gətirdiyi kimi, bənzər məcburiyyət ilə ABŞ də çıxış edə bilər. Avropa Birliyinin Rəqəmsal Bazarlar Aktı” ilə gələn növbəti bu cür qəribə məcburiyyətlər isə sonlanmayacaq. Ola bilsin ki, WhatsApp, Telegram, Signal kimi mesajlaşma tətbiqləri arasında vahid bir sistem üzərində mesajlaşma belə qanunla məcburi edilə bilər.
