11 Dekabr tarixiində təqdim olunması gözlənilən Xiaomi 13 seriyası, Nano Skin texnologiyasına sahib örtük ilə təchiz olunacaq. Belə ki, bu barədə şirkətin rəhbəri olan Lei Jun məlumat verib. Çinin texnologiya nəhənginin rəhbəri, şəxsi Weibo səhifəsində yeni Xiaomi 13 seriyasının sadə versiyası olan Xiaomi 13 smartfonunun rəsmi görüntülərini və tanıtım videosunu yayımlayıb. Beləliklə Lei Jun-un paylaşdığı video, yeni smartfonun Nano Skin texnologiyasına sahib örtük ilə təchiz olunacağını təsdiqləyib. Qeyd edək ki, Lei-nin paylaşdığı görüntüdə sadəcə mavi və ağ rəngdə olan Xiaomi 13 smartfonu göstərilib.
Xiaomi 13 smartfonunun təchiz olunacağı Nano Skin texnologiyası nədir?
Şirkətin rəhbərinin paylaşdığı videoda, Xiaomi 13 seriyasına aid olan Xiaomi 13 smartfonunun arxa hissəsindəki örtüyünə müxtəlif rənglərdə yağlı boya, həmçinin sprey boya əlavə edilib. Daha sonra isə boyalar quruduqdan sonra örtük salfet ilə silinir. Nəticədə isə Nano Skin texnologiyasına sahib olan örtük əvvəlki vəziyyətinə qayıdır. Ümumi olaraq deyə bilərik ki, Xiaomi 13 seriyasının smartfonları Nano Skin texnologiyası ilə təchiz olunduğu üçün paslanmadan, rənginin solmasından, istənilən aşınmadan və ən əsası ləkələrdən qorunur. Həmçinin qeyd edək ki, smartfonun arxa hissəsinin materialı toxunduqda əsl dəri hissi verir. Əlavə olaraq isə Xiaomi 13 seriyasının smartfonları IP68 sertifikatına malik olduğu üçün gölməçələrə və ya palçıqlara qarşı da təhlükəsizdir.
Şirkət rəhbəri həmçini yeni Xiaomi 13 və Xiaomi 13 Pro smartfonlarına məxsus rəsmi görüntüləri də paylaşıb. Paylaşılan görüntülərdə smartfonun yalnız ağ və mavi versiyaya sahib olduğunu görsəkdə, təqdimatda əlavə rənglərdə təqdim oluna bilər. Smartfonlar barədə daha ətraflı məlumat almaq istəyirsinizsə aşağıdakı xəbərə keçid edə bilərsiz.
